أحمد موسى عن واقعة وزير النقل في أسيوط: عاوزين يضربوا الفريق كامل

علق الإعلامي أحمد موسى، على واقعة المهندس كامل الوزير، وزير النقل والمواصلات، مع أحد المهندسين خلال افتتاح مشروع في أسيوط، قائلا: الموضوع له جزأين الناس أخدت الأول وسابت التاني.

وتابع خلال تقديم برنامج على مسئوليتي، المذاع على قناة صدى البلد، أن هناك باقي للحكاية لم يقترب منها أحد وما تم تداوله هو الفيديو الأول فقط، واللي عاوز ياخد نص الحكاية بس ياخدها.

وأكد أن أكثر برنامج نزل مع الفريق كامل الوزير "العبد لله"، قائلا: الراجل ده يخلي الشباب دائما يشرح المشروعات، وعندما يعترضوا عليه زملائه، يرد عليهم -الوزير-، خليهم يتعلموا وياخدوا خبرة.

واستطرد أن الفريق كامل الوزير مش محتاج شهادة حد، بيشتغل 30 ساعة في الـ اليوم 24 ساعة، وعمل إنجازات هائلة وكل الدنيا بتشهد له، ومعندوش النص نص، ويحب يكون الشغل بتاعه يكون ميه ميه، ومفيش مشروع ميعرفوش، وينزل في الجبال لاختيال مسارات القطار السريع والمونوريل

وواصل الإعلامي أحمد موسى، أن الفريق كامل الوزير بينزل من أكتوبر لحد أبو سمبل في عز البرد أو التلج وكذلك تحت درجة حرارة 50، عشان يختار مسارات القطار السريع وهو مضغوط جدًا وهيشرفنا النهاردة ويبات في سوهاج ويستكمل افتتاحات غدًا دي كانت جهد سنوات

وأردف موسى: أنا راجل من الصعيد وعارف يعني أيه محور، طريق كنت أخد فيه يوم بقيت أخلصه من نص ساعة بسبب كامل الوزير وتوجيهات الرئيس بعمل محور كل 30 كيلو متر.

واستكمل: الفريق كامل الوزير قال للمهندس امش دلوقتي من أجل مراجعة معلوماته وتصحيحها ويعود المهندس ليشرح من جديد، من الآخر كده عاوزين يضربوا ويستهدفوا كامل الوزير.