أحمد موسى يشيد بما يقدمه الرئيس السيسي: كل همه مصر وشعبها بس

أشاد الإعلامي أحمد موسى بمجهودات الرئيس عبدالفتاح السيسي رئيس الجمهورية وما فعله في البلد منذ عام 2014، قائلاً: «كل همه مصر وشعبها بس، وشغله الشاغل إن مصر تبقى الأفضل».

وأضاف أحمد موسى خلال تقديمه لبرنامج «على مسئوليتي» المذاع على قناة صدى البلد، «البدايات تؤدي إلى النهايات، وعايز الناس تعرف الرئيس السيسي استلم البلد وكان الحد الأدنى للأجور كام؛ ودلوقتي وصل لكام، ده الناس كانت بتقعد بالساعات عشان تأخذ عيش وتأخذ بنزين من المحطات».

وتابع: «الحكومة مش بتنام، وشغاله ليل نهار من أجل مصلحة المواطنين وتحقيق مستوى أفضل يليق بهم ، واحنا واثقين في قدرة الرئيس السيسي على العبور بالدولة إلى بر الأمان».

وأكمل الإعلامي أحمد موسى: من يوم الأربعاء اللي فات لحد النهاردة؛ الدنيا بتتحرك، ولكن ده مش هيبان زي ماحنا متوقعين إلا بعد فترة؛ بعد الإفراج الجمركي في الموانئ عن البضائع، وبعدين الأسعار تنزل.

وأشار: فيه ناس من سنة 2011 سابوا بلدهم ومش عارفين يرجعولها، سايبين بلادهم 13 سنة ومش عارفين يرجعولها دلوقتي؛ مستنكرًا: «انتو عارفين يعني ايه كلمة وطن!؟».