أحمد نبيل يكشف سر اعتزاله منذ 13 عاما: احترمت نفسي

تحدث الفنان أحمد نبيل عن أسباب اعتزاله، منذ 13 عامًا بعد مسيرة فنية تخطت الـ 170 عمل، قائلًا: «احترمت نفسي».

قال الفنان أحمد نبيل عبر تصريحات تلفزيونية: «اشتغلت مع كبار المخرجين، كبار المنتجين، كبار الممثلين، النهاردة في ممثلين وكويسين بس محستش إني هلاقي نفسي، فقولت أحسن آخد بعضي وأعتزل».

سبب اعتزال الفنان أحمد نبيل

وأوضح أن آخر مسلسل شارك به لم يحصل على أجره إلا بعد مرور عام، معلقًا: «الأبطال خدوا الملايين وإحنا الملاليم بيدوهالنا بعد سنة، ومنتجين كتير أوي عرضوا عليا مسلسل باليوم، ويجيبلي شوية ورق كده، طب ما أنا عايز المسلسل كله اقرأه، عايز أشوف موقفي إيه لأن أنا ممثل لازم أفكر في الدور اللي هعمله».

واستكمل الفنان أحمد نبيل: «اعتزلت وأنا واقف على الأوبرا، وعمري ما قُلت لحد شغلني وصليت في مرة الفجر ودعيت ربنا جامد وطلعت الصبح على التلفزيون لقيت واحد ريجيسير وقالي في مخرج عايزك وأديته نمرتك».

أحمد نبيل

تصريحات الفنان أحمد نبيل

وقال أيضًا: «وفجأة لقيت رقم بيكلمني وقالي عايزينك في دبي، ربنا رضاني في يومها وسافرت وعملت الحلقات ورضا ربنا كبير وأزمة طلعني منها ورحت عملت المسلسل».

واختتم الفنان أحمد نبيل: «مراتي كل شوية كانت تتصل عليا وتطلب أننا نحج وقلت لها هنحج، وفي مرة تانية صحيت صليت الفجر وكلمت ربنا وقلت له عايز أحج والفلوس مكنتش تكفي وفي آخر يوم تصوير عملوا لي حفلة ومدير المحطة قالي أنت عمرك ما قلت كلمة وحشة وملتزم في مواعيدك فإحنا هنديك الظرف ده هدية من عندنا، والمبلغ اللي أدهولي يكمل فلوس الحج ونتفسح بفلوس زيادة وكرم كبير من ربنا».

أحمد نبيل