أحمد وفيق: حلمي تجسيد القذافي وصدام حسين.. وأحمد زكي لا يشبه جمال عبد الناصر

كشف الفنان أحمد وفيق، عن حلمه بعمل شخصية القذافي وصدام حسين في الدراما .

أحمد وفيق: بحلم بالقذافي وصدام حسين

وقال أحمد وفيق ، ببرنامج سبوت لايت المذاع على قناة صدى البلد، تقديم الإعلامية شيرين سليمان: بحلم بالقذافي وصدام حسين ونفسي أعملهم ، وصعب أنتج أعمال عنهم لان انتاجها كبير جدا.

أحمد وفيق: أحمد زكي لا يشبه جمال عبد الناصر

وأضاف أحمد وفيق: أنا لما بسيب نفسي عادي ببقى صدام حسين، والأستاذ أحمد زكي لا يشبه جمال عبدالناصر وفيه مكياج وتحضير للشخصية، ورغم أن زكي كان أقصر من جمال عبدالناصر ولكن عمله.

أحمد وفيق يتحدث عن مسلسل سره باتع

وقال أحمد وفيق، ببرنامج سبوت لايت المذاع على قناة صدى البلد، تقديم الإعلامية شيرين سليمان: المسلسل واخد لب موضوع رواية سره باتع وهي قصة قصيرة وعندي شغف أتفرج على المسلسل اللي بعمله، والمسلسل عمل ربط بين العصر القديم والجديد ودخول نابليون على مصر، وهيكون عمل جديد على الدراما المصرية وهو عمل مرهق ومكلف جدا.

أحمد وفيق: خالد يوسف تربية يوسف شاهين

وتابع أحمد وفيق: خالد يوسف بتاع تفاصيل أوي، وهو تربية يوسف شاهين، وأنا بحب أشتغل معاه وهو مش بيتساهل خالص ومبيفوتش وأنا بحب المخرج اللي زي كدة، لأن المخرج اللي بيفوت بكرهه جدا وأقلق منه جدا، وأفضل حاطط ايدي على قلب لحد ما المسلسل يتعرض.

أحمد وفيق عن سره باتع: الدور مهم ومحوري بالأحداث

وأوضح أحمد وفيق: خالد يوسف قالي إن الدور مهم ومحوري ورابط الأحداث ببعضها وأنا اخترتك للدور ده عشان عارف انك هتعمله زي ما أنا عايز إزاي، وأنا أهم حاجة عندي في العمل اني أشوف المخرج مبسوط من أدائي في الدور.

وأضاف وفيق:  كنت مستني خالد يوسف يتغير شوية وميبقاش سينما بس، والناس هتلاقي المسلسل شوية سينما في بعض، وخالد يوسف عامل نفس ضغط السينما بنفس التفاصيل، وهنشوف عمل الناس هتتبسط منه أوي من كتر الكادرات، وأنا مبسوط بزمايلي أكتر من نفسي.

أحمد وفيق: بحب الظهور بطبيعتي وصوتي هدية من الله.. فيديو

أحمد وفيق: سامي العدل أطيب فنان قابلته.. ومحمد صبحي حسيت أني واخد معاه دكتوراه.. فيديو

أحمد وفيق يكشف تفاصيل مسلسل سره باتع: يربط بين العصر القديم والجديد