أحمد وفيق: مبحبش حد يعاملني كممثل وبتأثر بالشخصيات النفسية والمركبة

تحدث الفنان أحمد وفيق،عن الشخصيات الصعبة التي قدمها في الدراما وكيف تأثر بها وأثرت على شخصيته، مؤكدا أنه لا يحب أحدا من أصدقائه الممثلين يعامله كممثل.

وقال أحمد وفيق ببرنامج سبوت لايت المذاع على قناة صدى البلد، تقديم الإعلامية شيرين سليمان: بعتبر الممثلين اللي واخدين التمثيل بجد أوي بيكونوا لابسين الشخصية وينسوك شخصيتهم الحقيقية زي باسم سمرة وماجد الكدواني والنوعية دي لما بتسيب نفسها في الأدوار دي بيتأثروا.

أحمد وفيق: الأدوار اللي بيبقى فيها أكتر من طبقة نفسية أو مركبة بتأثر بيها

وتابع أحمد وفيق: على مستوايا أنا.. الأدوار اللي بيبقى فيها أكتر من طبقة نفسية أو مركبة بتأثر بيها، ومنها تحت السيطرة وسقوط حر، فالعمل الأول قدمت فيه دور مريض إدمان ويترتب عليه أكتر من أمراض فـ ده مركب، وكان عندي مسلسل تاني مع نفس الشركة المنتجة مع الأستاذ جمال العدل في نفس الوقت ورفضته وقولت له مش هقدر أعمل المسلسل التاني ده فلقيته بيستغربني وقالي هو في حد يرفض الفلوس دلوقتي.

واستكمل وفيق:  بعد ما أتفرج على أول حلقتين لقيت جمال العدل بيكلمني قالي أنا عرفت ليه مرضتش تعمل العمل التاني.

أحمد وفيق: بعيش أحمد وفيق لفترات وبزهق إني ممثل

وأضاف أحمد وفيق: في سقوط حر كنت بعمل دور مركب وأكثر حساسية ودور مريض البارانويا وده صفة مش مرض وتتحول لمرض لما تتطرب وهو مرض صعب علاجه لأن المريض صعب يعترف بيه ويتعالج عن بعد، وده بيسيب تراكمات عليك، وانا بعيش أحمد وفيق لفترات ومش هتلاقيني منتشر وده مش تعمد ولكن أنا بزهق إني ممثل، وأنا من النوعية اللي مبحبش حد يعاملني كممثل.

أحمد وفيق: مشهد دفاعي عن أبني حصد أعلى المشاهدات في «ولاد ناس»

أحمد وفيق لـ محمد نجاتي: لو فكرت تعتزل هعورك

أحمد وفيق يكشف كواليس مهرجان المنصورة المسرحي في سبوت لايت