أخر ظهور للمنتجة ناهد فريد شوقي ورسالة مؤثرة من ابنها

غيب الموت المنتجة ناهد فريد شوقي صباح يوم الثلاثاء 5 ديسمبر 2023 ما تسبب في صدمة للجمهور والوسط الفني.

وكان أخر ظهور للمنتجة ناهد فريد شوقي برفقة ابنها محمد السباعي، في صورة نشرها الأخير عبر حسابه الرسمي بموقع انستجرام في شهر يونيو 2023.

آخر ظهور للمنتجة ناهد فريد شوقي

نشر محمد السباعي مجموعة صور وفيديوهات جمعته بوالدته، معلقًا: «أحلي حاجة حصلت وممكن تحصل في الدنيا.. سبب كل حاجة حلوة فيا وفي حياتي.. أجمل وأرق وأحن وأطيب واجدع أم في الدنيا.. بحبك وبحترمك وبقدرك كإنسانة قبل حبي ليكي علشان أمي».

وتابع في رسالته لوالدته ناهد فريد شوقي: «شكرًا للي علمتني الرجولة والمسؤولية مع إني طلعت عينها.. شكرًا للي ربتني على الاحترام والذوق.. شكرًا علشان إحساس الأمان اللي بحسه بمجرد ما أسمع صوتك.. شكرًا لأنك خلتيني أمشي دايمًا رافع راسي وفخور بيكي وبكلام الناس عنك».

آخر ظهور للمنتجة ناهد فريد شوقي

نجل ناهد فريد شوقي

واستكمل محمد السباعي: «شكرًا علشان حاربتي دايمًا علشان فنك وعمرك ما قبلتي أي ضغط أو ظروف لتغيير شخصيتك أو قراراتك.. شكرًا لحكمتك ورزانتك اللي العالم كله نفسه يبقي زيك فيها.. شكرًا لمساعدتك دايمًا ليا رغم استهتاري كتير وأنا صغير.. شكرًا لأني مهما كنت بعمل إيه وبنتخانق أو تزعقيلي».

واختتم نجل ناهد فريد شوقي آخر كلمات له عنها: «بس عمرك ما حسستيني إنك مش بتحبيني مهما عملت.. و دايمًا عارف غلاوتي عندك اللي مفيش زيها في الدنيا شكرًا على الدلع اللي محدش في الدنيا ادلع زيه.. وشكرًا على حضنك اللي بيحسسني إني في الجنة.. شكر إلى من علمتني الحب.. انتي أحلي رزق ربنا ممكن يرزق بيه حد.. أنا بحس إن ربنا بيحبني علشان اختارني ابقى ابنك.. بحبك أكتر من نفسي ومن الدنيا وما فيها.. الحمد لله على نعمة الهانم بنت الهانم.. الحمدلله على أجمل أم في الدنيا».

ناهد فريد شوقي وابنها

ناهد فريد شوقي وابنها

ناهد فريد شوقي وابنها

 

View this post on Instagram

 

A post shared by Mohamed El Sebaii (@moc.bay)