أزمات ويجز في 2024 عرض مستمر.. انتقادات من الفنانين بسبب رامي صبري وإهانة لوالد «رابر»

رغم النجاح الكبير في مجاله وتحقيق أعلى المشاهدات، لكن اسم ويجز دائمًا ما يثير الجدل، وهذا ما حدث أكثر من مرة في 2024.

أيام قليلة وتفصلنا عن نهاية 2024 والتي شهدت أزمة وخلاف كبير، بدأ بلقاء تلفزيوني وتصريحات عن الراب ومطربيه على لسان الفنان رامي صبري وانتهى بانتقادات بالجملة وهجوم على ويجز.

خلاف ويجز ورامي صبري

بدأت القصة في 23 نوفمبر 2024، بهجوم ويجز على رامي صبري، بعد تصريحات الأخير، وقال: «هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان دا اسمه رامي والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون، هتتكلم إمتى على بتوع البوب اللي أنت منهم واللي في مجالك.. أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وأنت كدة مبتقدرش الفنانين وفاكر أن هما عايزين يوصلولك وهما أصلا معديينك بكتير أنت رقم 19 يا رامي أنت بعيد أوي».

أما بالنسبة لتصريحات رامي صبري، فقال عبر تصريحات تلفزيونية إن ويجز شاطر ومجتهد وفرض نجاحه وأغانيه معروفة، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها.

وبسبب حديث رامي صبري عن ويجز، عاد الخلاف الذي كان بينهما منذ 3 سنوات، عندما قال إنه لا يفهم كلمات أغانيه ولكن يعجبه الموسيقى التي يقدمها ورغم ذلك فهو يقلدها من الخارج وهذا الأمر أثار غضب ويجز وقتها وقال إن الفنانين مينفعش يطلعوا يتكلموا عن نفسهم، لازم اسمه يتحط في جملة.

انتقادات من الفنانين ضد ويجز

وبعد رد ويجز على رامي صبري لم يهدأ الموضوع، بل تدخل عدد من الفنانين والمشاهير وكلهم اجتمعوا على انتقاد مطرب الراب.

وجه أحمد الشامي انتقادات حادة لويجز بعد هجومه على رامي صبري، وأكد أن طريقته في التعبير عن رأيه غير لائقة، خاصةً عندما يتعلق الأمر بنجم كبير مثل رامي صبري، خصوصًا مع الفارق الكبير في العمر والخبرة بينهما.

أما الملحن عمرو مصطفى فقال: «الولاد اللي عمالة تتخانق كل شوية وتقول أنا رقم 1، ورقم 18، وأنا 19، اتلموا عشان ولا أنت ولا هو ولا أي حد أصلا أغاني هيتات كتير سنين نجاحات مسمعش صوت ولا صوت من فضلك.. قريبًا الأغاني بتاعتي اسمها ظهري ليكو عشان في وسط جديد جاي هتوحشوني قوي».

رامي صبري

مبادرة بالصلح من رامي صبري وسخرية من ويجز

ومن جانبه، قام رامي صبري بمبادرة بالصلح وأعاد نشر كلام الشاعر تامر حسين عن الأزمة، وقال: «ويجز أخويا الصغير وأنا مسامحه وحصل خير»، ولكن المفاجأة كان في رد ويجز.

ويجز وصف رامي صبري بـ«ابنه الصغير»، وده بعدما وصفه الأخير بأنه أخوه الصغير، وقال: «حصل خير يا جماعة رامي صبري زي ابني بالظبط وهو شطور وقمور ومجتهد أنا بس في اللقاء كنت حاسه كده بيجامل من ورا قلبه عشان الجمهور ميغلطهوش وفرق أجيال بقى مش بفهم حاجة منه خالص ف تلاقيني مخدتش بالي»، ولذلك شعر الكثير بأنه يسخر من مبادرة الصلح.

وأشعل رد ويجز الأخير الأزمة وزادت الانتقادات ضده، كما نصحه البعض بمسح كلامه الذي من الممكن أن يزيد فجوة الخصومة على صفحات مواقع التواصل الاجتماعي وبالفعل حذف منشوره، وكتب آخر قال فيه: «سامحتني قبل ما اعتذر أخلاق ملاك بجد أحرجتني بادبك حصل خير يا رامي وبعدين أخوك الصغير ايه أنت عجزت؟ انت لسة صغير قوي بالتوفيق يا مجتهد يا شاطر».

وهاجمه الفنان وائل عبدالعزيز ووجه له رسالة قال فيها: «طول عمرنا اتعلمنا نحترم الجيل اللي قبلنا ونديهم قيمتهم الفنية، لكن اللي الواحد شايفه ده غريب الصراحة ومالوش غير معني واحد، وهسيب لحضراتكم الرد، متزعلش يا رامي صغير وبكرة يكبر».

ويجز ورامي صبري

ويجز يرد الصفعة لعفروتو ومروان موسى

في أغسطس 2024، نجح مطربي الراب عفروتو ومروان موسى في استفزاز ويجز، ولذلك خرج من عزلته وغيابه عن طرح أعمال جديدة منذ فترة.

بدأت القصة عندما تضمنت أغنية منوعات 2019 لمروان موسى وعفروتو، كلمات فسرها الجمهور على أنها سخرية علنية للمطرب ويجز، وتقول: «على الأقل مش زي التاني اللي خد المجال وساب.. مش هذكر اسمه.. يا ويجز إزاي تسيب الراب».

ليرد ويجز بكلماته في الأغنية الدعائية لإحدى شركات المحمول، حيث يقول: «أنت عارف أنا مين وجاي تسأل اسمي إيه؟.. شوف أنت بتعمل إيه.. وهو بيعرف يعمل إيه.. بعرف أعمل الاتنين».

عفروتو ومروان موسى وويجز

هجوم خالد تاج الدين على ويجز

في مايو 2024، الشاعر خالد تاج الدين هاجم مطرب الراب ويجز، وده بعدما رفض الظهور في حملة إعلانية لإحدى شركات المقاطعة تضامنًا مع الشعب الفلسطيني، في نفس الوقت الذي شارك به عدد من نجوم الفن الكبار من بينهم عمرو دياب.

قال الشاعر خالد تاج الدين إن النادي الأهلي أو عمرو دياب نفذوا عقود مع مؤسسات بها شروط جزائية بالملايين ولها وقت محدد وفي حاله عدم تنفيذها سيكون لها شروط جزائية، وطالب مطرب الراب الذي قال عنه «وينجز» بعدم استغفال الشعب المصري واللعب على وتر التعاطف مع القضية الفلسطينية.

وكتب عبر صفحته: «آخر تراك نجحلك كان من 3 سنين وعملت كام واحد بعده محدش سمع عنهم حاجة، تعمل إيه بقى يا واد يا وينجز تعمل إيه، اه فكره، تعمل حملة سوشيال ميديا مدفوعة من بيدچات بتبقى واخده وتركب تريند القضية عشان ده اللي بيجيب معانا علطول إحنا شعب عاطفي وبنحب كده مع أن محدش من الشركات دي عبرك بقالهم كتير وكلنا عارفين كده».

خالد تاج الدين وويجز

خلاف ويجز ودافنشي

وفي أبريل 2024، حدث خلاف آخر بين ويجز ودافنشي وهو رابر سوداني، الذي اتهمه بأنه أهان والده وشتمه حتى أنه نشر محادثات تثبت ذلك، وقال إن ويجز يحقد عليه بسبب نجاحه.

دافنشي وويجز