أسما شريف منير تكشف كواليس قرار الحجاب ورسالة صريحة للفتيات

دينا دهب 07 أكتوبر 2025 | 07:37 مساءً

للمرة الأولى، خرجت الإعلامية أسما شريف منير عن صمتها لتتحدث بصراحة عن خطوة ارتداء الحجاب التي اتخذتها مؤخرًا، حيث روت تفاصيل قرارها ورسالتها للفتيات، وردت على الانتقادات التي واجهتها في الفترة الأخيرة.

قالت أسما: "الخطوة دي عملتها زمان وأنا عندي 14 سنة، وقتها والدي قال لي متأكدة؟ قولت له مستحيل أقلعه تاني، لكن مع الوقت وضغط الحياة قلعت الحجاب، ومن وقتها نفسي أرجع ألبسه بس بشكل صح، خصوصًا بعد ما اتعرفت على السوشيال ميديا وقدمت برنامج مع والدي، وبقى الموضوع أعقد".

كما تحدثت عن فترة اكتئاب مرت بها قائلة: "قابلت ناس قالت لي الشرب مش حرام، جربت الحياة دي وسافرت وسهرت وعملت حاجات كتير، بس عمري ما ارتحت، كنت بعيط كل ليلة قبل ما أنام".

وردًا على الجدل الأخير بسبب تصريحاتها عن المرأة المطلقة، أوضحت: "الناس فهمتني غلط، أنا كنت بتكلم عن الونس والطبطة، لأن الست المطلقة بتكون محتاجة حضن واهتمام مش أكتر، واللي قصدته إن في ناس شريرة ممكن تستغل احتياجها، مش أكتر من كده".