أشرف زكي عن جدل الأعلى مشاهدة: ظاهرة صحية كل الناس غيورة على أعمالها

تحدث الفنان أشرف زكي نقيب المهن التمثيلية عن جدل الأعلى مشاهدة، الذي أثير بين الفنانين.

قال أشرف زكي عبر تصريحات تلفزيونية: «شايف أن فيه ظاهرة صحية أن كل الناس غيورة على أعمالها كل الناس شايفة أنها محققة نجاحات».

تصريحات أشرف زكي عن جدل الأعلى مشاهدة

وتابع: «والحقيقة هما محققين نجاحات، إحنا عاملين موسم رمضاني كويس مفيش حد كان وحش كلنا كنا متميزين المائدة عليها أصناف كتير والجمهور بيروح للصنف اللي هو عايزة».

واستكمل: «دي منافسة فنية طبيعية جدًا يمكن لوجود السوشيال ميديا ظهرت، يعني زمان أيام أستاذة نادية الجندي وأستاذة نبيلة عبيد والناس الكبار مكنش في سوشيال ميديا لكن دلوقتي فيه».

تصريحات أشرف زكي

وأضاف أشرف زكي: «إحنا هناخد من اللي حصل الجزء الكويس والجزء مش كويس نعالجه بعد رمضان، وكل واحد حر يتكلم عن نفسه مقدرش أقول لحد متتكلمش عن نفسك أنا شايف إن أنا أحسن ممثل أو أحسن واحد كل واحد شايف عمله أفضل عمل».

واختتم: «أنا بعرف من ردود فعل اللي الناس اللي بتكلمني بيكلموني عن مسلسلي مش هيكلموني عن مسلسل حد تاني، كل الناس ناجحة وعامله موسم رمضاني كويس المهم نحترم جهد الناس نحترم أقل وأصغر واحد لأن في ناس بهدوء شديد عملت أعمال حتى لو مش في التسابق الكبير لكنها أعمال محترمة».