أول رد من والدة سما رامي: بنتي كاملة الأهلية غصب عن أي حد ومن حقها اختيار شريك حياتها

أكدت سوزان طلعت، والدة سما رامي، أن ابنتها تتمتع بكامل حقوقها القانونية والإنسانية، مشددة على أنها "كاملة الأهلية"، ولها الحق في أن تعيش حياتها بصورة طبيعية وأن تختار شريك حياتها دون وصاية من أحد.

وقالت، خلال مداخلة هاتفية مع الإعلامية نهال طايل في برنامج "تفاصيل": "والله سما اتخطبت السنة اللي فاتت، والحمد لله مصر كلها فرحت لها، وكنا بنرتب للجواز، وطبعا القلق ده مصاحبني لحظة بلحظة."

وأضافت أن ابنتها تبلغ من العمر 25 عامًا، مؤكدة: "سما كاملة الأهلية غصب عن أي حد."

وتابعت: "أنا بفتخر وفرحانة ببنتي، وحتى لو حد مش فاهم ومش عارف، زي ما سيادة الرئيس قال لسما قبل كده: ده عيب فيه هو، مش نقص في بنتي".

وشددت على أن ابنتها اتخلقت كاملة مثلها مثل أي إنسان، قائلة: "بنتي ربنا خلقها كاملة، وربنا ما بيخلقش حد ناقص، ومن حقها تعيش حياة طبيعية كاملة، اختيارها واللي قلبها اختاره واللي حبته."

واختتمت حديثها بالدعاء لكل الأمهات، قائلة: "بدعي لكل أم يا رب يفرح قلبها بولادها زي ما ربنا فرح قلبي بسما."