إبراهيم الكرداني يكشف سبب عدم إنجابه: مش عايز ولاد يتربوا في الزحمة

كشف الدكتور إبراهيم الكرداني، عن سبب عدم إنجابه، مؤكدًا أن قراره نابع من قناعة شخصية تتعلق بظروف المعيشة والزحام المتزايد في مصر.

وقال الكرداني خلال لقائه في برنامج 'أنا وهو وهي' مع الإعلامي شريف نور الدين على قناة 'صدى البلد': 'أنا مش عايز ولادي يتربوا في الزحمة الرهيبة دي، كنت ممكن أفكر في الإنجاب لو كنت استقريت مع زوجتي في أمريكا، لكن لما قررت أرجع مصر، كنت راجع علشان أخدم بلدي باللي اتعلمته، مش علشان أربي ولاد وسط الزحام والمعاناة دي'.

وأضاف: 'النهاردة شوفوا المدارس والمصاريف، علشان كده بقول لأي حد ناوي يخلف: فكر مرتين ربنا قال (المال والبنون)... المال قبل البنون، يعني لازم يكون عندك إمكانيات تربي بيها أولادك'.

وتطرق الكرداني إلى التجارب الدولية، مشيرًا إلى أن الصين كانت أكثر عددًا من الهند، لكنها طبقت سياسة الطفل الواحد، فأصبحت الهند الآن أكثر سكانًا منها.

وعن مشاعره تجاه قراره، قال: 'هل بندم؟ أوقات بحس بالوحدة، لكن أنا بتحمل اختياري، ولو رجع بيا الزمن، هعمل نفس اللي عملته.. في شجن جوايا، لكن مش ندم'.