إسعاد يونس: عادل إمام طلب يظهر بنهاية «بكيزة وزغلول» بعد اعتذاره ورفضت أكون مكان شادية

كشفت الفنانة إسعاد يونس كواليس جمعتها بنجوم الفن، وذلك في ندوة تكريمها بالمهرجان القومي للمسرح المصري.

قالت إسعاد يونس في ندوة تكريمها: «طلبت من عادل إمام ييجي مشهد في نهاية "بكيزة وزغلول" بس وقتها اعتذر، فطلبته من سمير غانم وبعد عرض المسلسل عادل كلمني قالي أنا عايز أعمل المشهد قولتله والله صورته خلاص».

وتابعت: «يسرا كانت أكتر واحدة بتتعاكس في دفعتنا وكنا نبقى ماشيين جنبها مش متشافين، وجت فترة شادية قررت تعتزل في "ريا وسكينة" فطلبوا مني أجي مكانها لكني رفضت طبعًا».

واختتمت إسعاد يونس: «سمير غانم قال لي قومي أنزلي معايا محتاجك جدًا عشان مسلسل ميزو، المخرج سألني بتعرفي تمثلي قولتله أستاذ سمير بيقول بعرف، وأول ما اتعرض المسلسل لاقينا نفسنا أنا وفردوس عبدالحميد اتشهرنا فجأة والناس بتسلم علينا في الشارع».