إيناس جوهر تدعم أحمد موسى بعد خروجه من المستشفى: راجل وطني ومصري صميم .. فيديو

وجهت الإذاعية الكبيرة إيناس جوهر رسالة دعم ومساندة للإعلامي أحمد موسى، عقب خروجه من المستشفى، معربة عن سعادتها بتحسن حالته الصحية، ومؤكدة تقديرها لما قدمه لجمهوره.

وقالت في رسالة مصورة عبر قناة «صدى البلد»: «أنا فرحت جدا لما كلموني وقولت الله هروح صدى البلد، ممكن هكون أول مرة أبقى معاهم وهشوف أحمد موسى بعد ما خرج من المستشفى».

وأضافت أنها علمت بخروج أحمد موسى من المستشفى، موضحة: «جيت متأخر عشان أدخل على أحمد موسى وأعمله مفاجأة في برنامجه على مسئوليتي، ولما جيت عرفت إنه خرج، لكن النائب محمد أبو العينين قال يفضل في بيته مرتاح شوية قبل ما يعود إلى جمهوره».

وتابعت: «معرفتش أعمل إيه لما مشوفتش أحمد موسى، أروحله ولا أجيبله ورد؟ بس كل ده ميكفهوش عطائه لناسه ولجمهوره».

وتابعت: «أحمد موسى مصري صميم، بيكلمنا من قلبه، يا ساتر على الناس بيبانوا وقت الشدة».

وأضافت: «مش عاجبكم أحمد موسى الراجل الوطني العظيم اللي مش بيستنى لحظة حد يجيب سيرة مصر بحاجة وحشة، أنتوا بجد مالكوش حق».

وواصلت حديثها: «يا جماعة المصريين مش كده، لما حد فينا يكون تعبان نديله دمنا لو احتاج، نخليه يكون فرحان حتى وهو تعبان، عشان خاطري بطلوا بقى».

ووجهت إيناس جوهر رسالة إلى أحمد موسى: «أنا قاعدة هنا في ستديو صدى البلد، وأقعد براحتك في فترة النقاهة، وأنا مستنياك هنا وأقعد يوم أو 10 أو شهر».