اسما شريف منير: الحجاب مش قيد.. ده أمان وكرامة وحب من ربنا

وجهت الإعلامية اسما شريف منير رسالة مؤثرة عبر حسابها على «إنستجرام»، تحدثت فيها عن رؤيتها لمعنى الحجاب ودوره في حماية وصون المرأة، مؤكدة أنه ليس تقييدًا كما يعتقد البعض، بل تكريم وأمان من الله عز وجل.

وقالت اسما: «شوفت بعيني جوزي وهو بيحس إنه لازم يحميني، بيتقلب قلبه لو راجل بصلي بنظرة مش كويسة، وكبرت وأنا بسمع أبويا بيقولي إزاي أصون جسمي». وتابعت: «طب لو دي مشاعر جوزي وأبويا، أمال ربنا اللي خلقني هيعمل إيه؟ ربنا ببساطة قاللي: غطي نفسك علشان يكرّمني ويحميني».

وأضافت: «الحجاب مش قيد، الحجاب أمان، الحجاب ستر وكرامة، هو حب من ربنا بيحميني من اللي مش شايفين قيمتي».