الرئيس السيسي: المرأة لعبت دورا في حماية مصر منذ عام 2013

وجه الرئيس عبدالفتاح السيسي، التهنئة لكل جموع الأمهات المصريات بمناسبة عيد الأم، وأيضا بحلول شهر رمضان الكريم.

أضاف الرئيس السيسي، خلال كلمته في احتفالية المرأة المصرية والأم المثالية لعام 2023، أن المرأة المصرية، تلعب دورا كبيرا داخل المجتمع المصري، مشيرا إلى أن الكثير يتحدث عن انحيازي للمرأة، لكن أسعى لتحقيق العدالة داخل المجتمع.

وتابع قائلا: «الست المصرية، دي إنسانة رقيقة ولديها إحساس كبير، وكمان الرجالة مش بتاخد بالها من كده، وبالمناسبة ربنا خلقها كده، لو فهمنا ده هيغير كتير حال فهم المرأة المصرية، والراجل يخلي باله من كلمته أو تصرفه وفي أي مرحلة عمرية، سواء منذ الصغر وحتى الكبر، ولابد من الانتباه ده، حتى في التعامل بالشغل يكون كده مع زميلته والتعامل مع أهل بيته وزوجته وأخته، وأمه، مع ده لن يحدث رد الفعل من وراء التعامل ده ورد فعل غير متوقع».

وقال الرئيس السيسي: «بتكلم معاكم كأهلي وأسرة ناخد بالنا في بناء الإنسان، وفهمه وتوعيته من صغره الأمور هتبقى محل اعتبار في التعامل مش هنشوف تنمر في الشارع، وحاجة مش لطيفة، (تحرش)، ومش هنشوف حاجت تانية كتيرة، كتاف الست شايلة كتيرة، ورغم ده في حنية ورحمة، داخل الأسرة  والأمور لما تخرج عن السيطرة الست هي اللى بتشيل، كلنا عشنا وشوفنا دائما الست هي المسئولة، مش معناه إن أنا ضد الراجل، بحاول أكون ونكون منصفين حقيقة مع الدور الذي تقوم به الست المصرية، وخاصة في مصر بالذات

وواصل الرئيس السيسي: «المرأة المصرية في 2013، وحتى الآن، كان لها دور كبير في حماية مصر، بسجل في اليوم ده مش قصدى إنى بفكركم، واللى حصل في 30 يونيو، اللى كان متصدر الموضوع الست المصرية، ولما طالبت الناس تنزل يوم 26 يونيو، بطالب من الشعب يديني تفويض، اليوم ده، الست قامت ونزلت والدنيا كلها شافت العدد ده، مش حركة الجيش بيعملها ضد البلد، البلد رافضة والجيش بيدعم ده، واللى خرج ودعم ده المرأة المصرية، واللى قدمت الشهيد، الأم اللى سهرت وصبرت وربت، وشالت 9 شهور، وربت لغاية ما بقى شاب وراجل وقدمته لمصر، ده أصعب إن الأم بعد ده كله ويستشهد، وكان مالي العين، وبعد كده يجي للأم خبر الاستشهاد، حتى في الأزمات اللى بتمر علينا، مش بتعترف ده مجاملة أو أطيب الخواطر، إحنا واحد، اللى بتقوم بالدور ده وتعمله هي الست المصرية، النبي محمد قال أمك ثم أمك ثم أمك».

الرئيس السيسي يمنح وسام الكمال للأمهات المثاليات لعام 2023

بحضور الرئيس السيسي.. بدء احتفالية المرأة المصرية والأم المثالية لعام 2023