الرئيس السيسي: مصر تقدر أشقائها.. وسياستنا منضبطة في الداخل والخارج

أكد الرئيس عبدالفتاح السيسي، أن سياسة مصر دائما تتسم بالاعتدال والتوازن والانضباط الشديد تجاه الجميع في الداخل والخارج، لافتا إلى أن مصر تقدر أيضا علاقتها مع أشقائها العرب.

أضاف الرئيس السيسي، خلال افتتاحه المرحلة الثانية من مدينة الصناعات الغذائية سايلو فودز بمدينة السادات بمحافظة المنوفية، قائلا: « ليا عتاب على رواد مواقع التواصل الاجتماعي، بشوف حماس زيادة، أو حتى مش عايز أقول تجاوزات في الكلام، مش موضوعات محلية ده موضوعات خاصة بأشقائنا، ده لازم ننتبه لي كويس، أرجو ناخد بالنا كويس علشان ده يكون لى انعكاس لمدى فهمنا وقدرتنا وتقديرنا للعلاقات مع الأشقاء وبالتالي لما يبقي في موضوع يتم تناوله بدون أساس أو لا يكون له أي خلفية، هنمشي ورا بعض المواقع المغرضة اللي عايزة تعمل فتنة بينا وبين الأشقاء، لو مفيش كلمة طيبة أقل حاجة لازم نسكت، كمان لوسائل الإعلام اللي  مش بنتدخل فيها ».

وتابع الرئيس السيسي، أن مصر علاقتها دائما طيبة بالجميع، قائلا:«حتى في الأزمات والخلافات، سياستنا منضبطة، المفروض نكتب اللى دائما لصالح بلدنا وتحسين العلاقات، وميصحيش نسيئ لأشقائنا وننسى وقفتهم معانا، هو لو في أزمة يبقى أطول لساني أو أقول كلام مش مظبوط، أمال فين لا تنسوا الفضل بينكم، لما نعمل كده كمواقع تواصل اجتماعي أو بعض المقالات اللي أشوفها والكلام عن المملكة أو دولة أخرى، لا لا، إحنا حريصين على أشقائنا وده توجه دولة أرجو إن المواطنين يكونوا منتبهين لده كويس، وألا ننساق ورا مواقع التواصل الاجتماعي اللى عايزة فتنة بينا وفي علاقتنا الطيبة مع الجميع حتى في أصعب الظروف».

وقال الرئيس السيسي: «الأمور كلها مصر تجاوزتها حتى لو كان في خلاف مع دولة شقيقة في السنوات اللى فاتت، مثلا إثيوبيا ومشكلة سد النهضة مش بنقول كلمة واحد تسيئ ليها، لو مفيش كلمة طيبة مش هنقول، إحنا مش بنهد، ناخد بالنا كويس أووي من المواضيع دي، وده لكل مواقع التواصل والزملاء في الإعلام علشان ده بيبقى تصريح خارج من الدولة بشكل رسمي، مصر دائما تقدر أشقائها».

الرئيس السيسي: نعمل على خطة لزيادة حجم إنتاج الزيت المحلي بدلا من استيراده

الرئيس السيسي: من الصعب السيطرة على اختلاف أسعار السلع بالأسواق