«الطمع مش حلو».. خالد تاج الدين يرد على تصريحات عمرو مصطفى بشأن أغنية «قصاد عيني»

خرج الشاعر خالد تاج الدين عن صمته، ليرد على  تصريحات الملحن عمرو مصطفى بشأن إعادة طرح أغنيتي «ومالو، وقصاد عيني»، للمطرب عمرو دياب، بصوته مع تغيير الكلمات التي هى من أشعاره.

وأوضح خالد تاج الدين من خلال مقطع فيديو، نشره عبر قناته الرسمية على موقع يوتيوب، قائلاً: «انا وعمرو مصطفى صحاب من أول سنة في كلية الحقوق، بعد 3 ثانوي كان أول صديق ليا في الجامعة هو عمرو مصطفى، وفي بداية حياتنا واحنى بنسعى كنت داعم ليه وهو كان داعم ليا».

أزمة عمرو مصطفى مع خالد تاج الدين

وأضاف الشاعر خالد تاج الدين قائلاً: «موضوع المشكلة اللي هو عاملها دلوقتي، الموضوع بادئ من قبل كده، لما هو كتب على صفحته على الفيس بوك، أنه عمل أغاني كذا وكذا لوحده فقط لا غير بيكتب ألحان عمرو مصطفى.. مابيكتبش اسم الشاعر ولا الموزع ولا أي حد .. ولما بدأت أعمل كده عندي.. يعني أعمل أغنية واكتب كلمات خالد تاج واسم الموزع، ومكتبش اسم الملحن.. ودي حاجة مش مهمة».

وأوضح خالد تاج الدين، قائلاً: «الموضوع المهم إن عمرو مصطفى عايز يغير الكلمات هو حر طبعًا، لكن في حاجة لازم أوضحها، لا الشاعر ولا الملحن حقه مهدور في الأداء العلني خالص، احنا بيجيلنا فلوس من الأساسيم في فرنسا عن حق الأداء العلني، وأنا بيجيلي فلوس على أغنية قصاد عيني وعلى أغنية ومالو، وعلى أي أغنية كتبتها سواء للفنانة نانسي عجرم أو لـ حسين الجاسمي أو لـ بهاء سلطان، أو لـ جورج وسوف، او أي حد في الدنيا».

الطمع مش حلو

وأشار الشاعر خالد تاج الدين، قائلاً: «فهو لو موصلكم الموضوع بشكل غلط فالموضوع مش كده خالص، احنا لينا حقوق والمطربين اللي احنا اشتغلنا معاها حافظة حقوقنا كويس، احنا بنمضي على عقد ان الاغنية تبقى بسمي واسمه الحق الأدبي، وليا الحق في الفوس عن الأغنية، وليا الحق في الأداء العلني مدى الحياة، وطول ما الإغنية بتشتغل في كافيهات أو التليفزيون او الراديو، بناخد عليها فلوس.. إنما الطمع هو اللي مش حلو، يعني مثلاً أعمل أغنية واتفق فيها إني هاخد حق الأداء العلني وخلاص، ولما أبص في الأغنية إنها نجحت جدًا بشكل أكبر مما كنت متخيل وأوقل لأ انا عايز أقاسم المنتج اوالمطرب في الفلوس ده موضوع تاني».

وأضاف خالد تاج الدين قائلاً: «لما عملت أغنية راب، أنا مغلطتش في عمرو مصطفى خالص، ولا أصلاً جبت سيرته غير في قطعة صغيرة جدًا، أنا كنت 'بنكوشه' فيه، وبقول عله أنه صحبي وإني مش هغلط فيه، : أهو منه برضه صحبي .. ومهما عمل فيا براعي .. غلبان غباء طبيعي بيستخدم ذكاء صناعي، أنا مغلطش فيه ومجيبتش سيرته غير بالحسنى».

وأختتم خالد تاج الدين حديثه قائلاً: «وفي الأخر عمرو مصطفى صاحبي وحبيبي وفنان كبير وملحن كبير، ومطرب ليه أغاني مشهورة وأنا عملته أغاني زي 'لمستك' وحتى لو هو غلط فيا انا مش هغلط فيه واحنا بينا عيش وملح بينا عشرة منذ عام 2001 وحتى 2024، وربنا يهدي الكل».