امتدت 35 عاما.. حسن عبد الفتاح يروي قصة الكفاح والشهرة مع الفنان محمد سعد

كشف الفنان حسن عبد الفتاح عدد من الفنانين الذي يحب التعاون معهم في الوسط الفني، كما تحدث عن علاقته بالفنان محمد سعد.

حسن عبد الفتاح يكشف الفنان الذي يحب العمل معهم

قال حسن عبد الفتاح في تصريحات تلفزيونية: 'من أحسن الناس اللي بحبها في الوسط وبرتاح معاها في الشغل وهو بيرتاح معايا في الشغل محمد سعد، ده عشرة العمر'.

حسن عبد الفتاح يتحدث عن محمد سعد

وتابع حسن عبد الفتاح حديثه بالكلام عن الفنان محمد سعد، وقال :'محمد جدع ومحترم وبيقف جمب صاحبه واكيد بيضايقوه عشان بيتعامل معاهم كده'.

حسن عبد الفتاح ومحمد سعد

وأضاف: 'أنا أعرف محمد من 35 سنة وكان معانا عند الأستاذ صبحي بس التركيبة ممشيتش مع الاستاذ قعد معانا اسبوعين ساعتها ومشي وقابلته في المتحدين كان بيعمل كعب عالي، مع يسرا وحسين فهمي واشتغلت معاهم'.

تصريحات حسن عبد الفتاح

وعن أسباب قلة الفرص، قال حسن عبد الفتاح: 'الموضوع شلليات أنا عارف فلان وفلان هما دول اللي يشتغلوا حد تاني لا، فين وفين ممكن أنا اتاخدت من على المسرح استاذ رائد لبيب مرة شافني في المسرح قالي تعالى المخرجين زمان كانوا بيدخلوا المسارح يجيبوا دلوقت لا، الوسط مليان شلليات وأنا ليا كام واحد اللي بشتغل معاهم بيقولولي تعالى يا حسن بروح منهم الفنان محمد رجب والفنان محمد سعد'.