انهيار شقيقة إيناس النجار في رثائها: الحزن عليكي مش هيخلص

وجهت سوار النجار رسالة لشقيقتها الراحلة إيناس النجار، وترثيها بكلمات مؤثرة.

كتبت سوار النجار في منشور عبر حسابها الشخصي بموقع انستجرام: «ما أصعب الفراق وما أوحش البعد بالحياة من يوم ما سبتينا وإحنا عايشين مش عايشين».

وتابعت شقيقة إيناس النجار: «يا رب على الدنيا ما أوحشها، وما أوحش الفراق رحلتي عن الدنيا وسبتيلنا حرقة، ونار في القلب خليتنا عايشين من غير روح».

واستكملت: «الحزن عليكي ما يخلصش العمر كله لحد ما نتقابل يا أحلى وأغلى وأحن أخت في الدنيا، كنتي توأم روحي وأخذتي روحي معاكي».

وأضافت سوار النجار: «وعشت جسد من غير روح حسبي الله ونعم الوكيل في كل من أذاكي يا إيناس وانتي عايشة حسبي الله ونعم الوكيل يا رب إنتي في الجنة وإن شاء الله حقك عند الله يا روحي، ووحشتيني يا ملاكي يا أطيب إنسانة جات الدنيا، يا رب صبرنا على فراقها يارب».

واختتمت: «وكل حد ظلمك، وقهرك، واستغل طيبتك، وضحك عليكي، منه الله مش مسامحينهم دنيا ولا آخرة، وبنحسبن عليهم في كل صلاة حسبي الله ونعم الوكيل ربنا يرحمك يا ملاكي وربنا يجيبلك حقك إن شاء الله».