بدرية طلبة ترد على الاتهامات ومهاجميها: دمي حامي مش هغيّر طبعي

ردت الفنانة بدرية طلبة على مهاجميها، ومنتقديها، واتهامات قتلها لزوجها وتجارتها بالأعضاء.

قالت بدرية طلبة في بث مباشر على حسابها الشخصي بموقع فيس بوك: «فيه ناس بيدخلوا يستفزونا ويسبونا في أعراضنا ويقولوا قتلت جوزها وبتتاجر في الأعضاء، لازم نرد عليهم، ودول ميمثلوش الشعب المصري».

رد بدرية طلبة على مهاجميها

وتابعت: «اللي بيدخلوا يعملوا كدة لجان وأنا ست دمي حامي مش هغيّر طبعي، واللي يقولي جعانة!.. قولتله فين بطبل وجعانة وأنا قاعدة في فيلتي! قالوا بصوا بتقول إيه وبتتعالى على الشعب المصري، وطلعت لايف على فيسبوك، وقولت يمكن التيك توك لامم ومتضايقين إزاي الفنانين بيزاحموهم وياخدوا رزقهم».

واستكملت بدرية طلبة: «واحدة طلعت قالت إني كنت شغالة عند حسين الإمام خدامة في البيت وخدني اشتغلت في البرنامج.. الحمدلله حسين الإمام الله يرحمه وسمير غانم اللي كنت واقفة جنبه على المسرح وجه الأستاذ رائد لبيب خدني من المسرح من جنب سمير غانم، شوفتيني فين وأنا بخدم في بيت الأستاذ حسين الإمام؟ كاتبها في مذكراته وسابهالك؟».

تصريحات بدرية طلبة

واختتمت: «إيه الافتراء ده لحد امتى هتفتروا؟!، أنا كلامي للي مش محترمين اللي بيتطاولوا علينا ويطلعوا أسوأ ما فينا».