بسبب حرب غزة.. فريدة سيف النصر تفقد 14 كيلو من وزنها

كشفت الفنانة فريدة سيف النصر سر فقدان وزنها حوالي 14 كيلو، وما علاقة أحداث غزة وفلسطين بذلك.

كتبت الفنانة فريدة سيف النصر في منشور عبر حسابها الرسمي بموقع فيس بوك: «اللي بيسألوني خسيتي إزاي مش هتصدقوا هقول قسمًا بالله بس من 9 أكتوبر اللي فشلت فيه سنين بييجي لوحده ومستمر».

فريدة سيف النصر تفقد وزنها

وتابعت: «كل ما أشوف كل يوم أطفال غزة جعانين أو مستشهدين والدم.. أجي أحط الأكل في بوءي أبكي والله وماقدرش أشوف الدم نفس الحالة الطفل اللي مات وفي إيده كرواسون حد إدهاله ملحقش ياكل قطمه يا قلبي».

واستكملت الفنانة فريدة سيف النصر قائلة: «والست اللي بتصرخ وتقول ماتوا جعانين وعطشانين.. واللي بتنده على رضيعها قوم يا قلبي راح يجي اللبن وترضع.. قسمًا بالله معدتي هي اللي رفضت يادوب لقمتين واقف».

فريدة سيف النصر

فريدة سيف النصر عن أحداث فلسطين

وقالت أيضًا: «دي طبيعتي أزعل كنت أكل كتير.. لكن المرة دي مختلفة صوت وصورة ومأساة حقيقيه أب بيجري لولاده ميتين.. وأم بتصوت فقدتهم كلهم.. وأطفال اتيتموا واللي بينده على أبوه أو أمه وصور لأطفال بحيواناتهم وطيورهم البنت اللي بتجري وشايله قطتها».

وكتبت الفنانة فريدة سيف النصر أيضًا: «والولد اللي مات حاضن كلبه.. الله ينتقم منك.. والحمد لله على نعمة الإحساس بس من غير ألم معدة يارب.. من ساعة الأحداث 14 كيلو؟.. ربنا يستر حقيقي معدتي واجعاني ورافضة».

فريدة سيف النصر تفقد وزنها