بسمة بوسيل عن طلاقها من تامر حسني: أصعب قرار وخسرت نفسي

تحدثت الفنانة بسمة بوسيل لأول مرة عن طلاقها من الفنان تامر حسني، كاشفة الأزمات التي مرت بها خلال العامين الماضيين.

قالت بسمة بوسيل في تصريحات تلفزيونية لها: «عدى عليّ سنتين صعاب خسرت نفسي فيهم، والدي مات وبعدين اتطلقت من تامر حسني».

تصريحات بسمة بوسيل عن طلاقها

وتابعت: «وكل الحاجات الصعبة جت ورا بعضها، وده خلاني شخصية قوية ولقيت نفسي من جديد، ورغم الانفصال تربطني علاقة صداقة قوية بتامر حسني».

وأشارت بسمة بوسيل إلى أن أصعب قرار اتخذته في حياتها هو الطلاق، مضيفة: «لأنك بتبني حاجات لمدة سنين وفجأة تكتشف أنها لازم تتهد وأعتقد أولادنا متفاهمين موضوع الطلاق لأنهم شايفين العلاقة بيننا أصبحت أحسن، ومش ضروري إننا معرفناش نكمل كزوجين منبقاش أصدقاء».

بسمة بوسيل

طلاق تامر حسني وبسمة بوسيل

وفيما يخص علاقتها بأطفالها، أوضحت أنها تستشيرهم في كثير من المشاكل التي تواجهها، لكي يتعلموا من تجارب الحياة، وهو أمر لا يمكن لأحد أن يتعلمه في المدارس.

وقالت بسمة بوسيل أيضًا: «بقعد كتير مع أولادي وباخد رأيهم مش علشان يحلوا معايا المشكلة، لكن أنا بربي أولادي لأن المدارس مش بتعلمنا اللي الحياة بتعلمه لينا، وعمري ما كان فيه مقارنة بين شغلي وأولادي علشان أختار بينهم، لأنهم أهم حاجة عندي».

واختتمت قائلة: «أهم إنجاز في حياتي هم أولادي لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل».

تامر حسني وبسمة بوسيل