بعد 3 أعمال.. انفصال أحمد العوضي وياسمين عبد العزيز فنيا في رمضان 2024

ينفصل الفنان أحمد العوضي عن الفنانة ياسمين عبد العزيز فنيًا في رمضان 2024 المقبل، بعد نجاح آخر أعمالهما وهو مسلسل ضرب نار، حيث بدأ في تحضيرات المسلسل الجديد.

انفصال أحمد العوضي وياسمين عبد العزيز فنيا

يعد مسلسل ضرب نار بطولة أحمد العوضي وياسمين عبد العزيز ثالث تعاون بين الثنائي ضمن موسم دراما رمضان 2023، بعد مسلسل اللي مالوش كبير عام 2021، ومسلسل لآخر نفس عام 2019.

كان قد تحدث الفنان أحمد العوضي عن السبب الخفي وراء نجاح العلاقات الزوجية وهو عن طريق المشاركة في الرأي وليس فرض السيطرة.

أحمد العوضي

تصريحات أحمد العوضي

قال العوضي في تصريحات تلفزيونية: 'أول الجواز كنت عصبي جدًا وكنت واخد الموضوع كله إني هفرض سيطرتي، ومع الوقت فهمت أن الموضوع شركة ومش عيب إن الراجل ياخد الرأي الصح، لأن أي زواج وعلاقة ناجحة تعتمد على السرية بين الطرفين، وفي الأول ممكن تحصل مشكلة وتحكوا لحد، وممكن تبقى عايز تصالح، ومفيش كرامة بين المحبين، الكرامة ديه تأتي بسبب تدخل بعض الأفراد في العلاقة، وأنا وياسمين في اربع سنين تكيفنا مع بعض'.

وتطرق الحديث عن تعاون العوضي مع زوجته مجددًا في مسلسل ضرب نار، وقال: 'كان لينا هدف أنا وياسمين اننا نقدم حاجة حلوة، ومسلسل حلو عشان الناس مستنيانا بعد مسلسل اللي ملوش كبير، وجت من هنا فكرة ضرب نار، واحنا مش واخدين قرار إننا نكون ثنائي، حسب الموضوع اللي قدامنا، ولما عملنا اللي ملوش كبير ونجح حبينا نوثق النجاح ده بضرب نار وممكن السنة الجاية منبقاش مع بعض ورمضان اللي بعده نرجع وهكذا'.

حرص أحمد العوضي أن يعطي نصيحة للشباب، وقال: 'متروحش لسكة المخدرات لإنها بتدمرك، حتى لو شايف إنك بتاخد قليل منها، والعقل هو اللي بيوزن كلامك، حتى لو شقي العقل هو اللي بيوزن كلامك حتى لو بتتخانق'، مشيرًا إلى أنه يحب ممارس الرياضة كثيرًا.

وقال: 'الرياضة هي عمود الحياة، وهي اللي هتخليك بنى آدم، ولازم تلعب أي رياضة، ولازم طول الوقت أنزل ألعب الرياضة اللي عايزها'.

احمد العوضي وياسمين عبد العزيز

احمد العوضي وياسمين عبد العزيز