بعد أزمته الأخيرة.. طليقة مسلم تثير الجدل برسالة غامضة

أثارت ميكا البغدادي طليقة مطرب المهرجانات مسلم ضجة واسعة وجدلًا كبيرًا، خلال الساعات الماضية بسبب رسالة غامضة.

كتبت طليقة مسلم عبر خاصية الستوري التابعة لحسابها الرسمي بموقع انستجرام: «أنا بعيدة عن أي حاجة بس لما توصل إن حد يقرب لحياتي».

رسالة طليقة مسلم

وتابعت: «أو يجرني لأي مشاكل ساعتها ههد الدنيا علي فيها وأنا مش بتاعة تهديد وشوية صور.. أنا بجد أخليكم متنزلوش من بيتكم».

كان قد كسر الفنان مسلم صمته ورد على الجدل المثار مؤخرًا بعد تصريحات البلوجر أروى قاسم، اللي أثارت موجة من التساؤلات عقب انتشار فيديوهات من حفل زفافه. وجاء رد مسلم في بث مباشر عبر حسابه الرسمي بموقع 'فيسبوك'، علّق فيه على الاتهامات الموجهة له، ووضح موقفه من اللي حصل.

أزمة مسلم وزوجته يارا تامر

وقال مسلم: 'أنا كنت بحترم أروى جدًا، وكنت شايفها أختي الصغيرة، واستقبلتها بأدب، حتى لما قبلت إيدها ده كان نابع من الشياكة والاحترام، مش منطقي أبدًا إني أعكس واحدة يوم فرحي، اللي حصل كان بنية صافية، واتصدمت من اللي عملته بعد كده'.

وتابع: 'أروى كانت قدامي من زمان، ولو كان في حاجة كنت عملتها، لكن أنا ملتزم، ويارا مراتي عارفة ده كويس، مش من طبعي أعاكس أو أقرب لحد، خصوصًا في يوم مهم زي ده.. أنا عملت مجهود كبير علشان أفرح بشكل محترم، مش عشان يتقلب كل ده بلحظة'.

ودافع مسلم عن زوجته يارا، وقال: 'مراتي مش وحشة، دي أنضف بني آدمة في العالم، وبعدتني عن حاجات كتير غلط، ونضفت حياتي بوجودها، هي لا بتاعت الكلام اللي اتقال، ولا اتجوزت ست مرات زي ما أشيع، دي أول جوازة ليها'.

واختتم مسلم حديثه بتوجيه رسالة مباشرة لأروى قاسم: 'انتي بنت، وكان لازم تخافي تتكلمي في أعراض الناس، العيب مش إننا نختلف، العيب إننا نستخدم الطريقة دي'.