بعد الهجوم عليه.. أمير كرارة يوضح حقيقة تصريحه بشأن عدم مشاهدة التلفزيون

رد الفنان أمير كرارة على جدل تصريحه المثير للجدل الخاص بعدم مشاهدة التلفزيون، قائلًا: «هو في حد مش بيفترج على التلفزيون!.. الناس خدت جزء معين منه وتهاجم بطريقة غريبة ما فهتمهاش».

تصريحات أمير كرارة

وتابع أمير كرارة في تصريحات تلفزيونية له: «لكن ده الهجوم الوحيد اللي ما أضايقتش منه بالعكس كنت بضحك، وكل ما حد كان يهاجمني أو يكتب تعليقات أضحك».

واستكمل: «بضحك مش بضايق، وكان قصدي مش بتفرج على تلفزيون لأني بصور من شهر 10 لـ 6 وكنت بنام وأنزل واتسألت كتير أنت شفت مسلسلات إيه فقلت مش بشوف حاجة».

أمير كرارة في مسلسل كلبش

أمير كرارة فيلم البعبع

أعرب الفنان أمير كرارة عن سعادته البالغة بردود الأفعال التي تلقاها من الجمهور على فيلم البعبع، الذي شارك به في موسم أفلام عيد الأضحى مؤخرًا مع النجمة ياسمين صبري.

قال أمير كرارة في تصريحات تلفزيونية: 'طبعًا راضي عن إيرادات فيلم البعبع، وإحنا بنشتغل والإيرادات دي بتاعة ربنا والمنتج نفسه'.

وتابع: 'الحمد لله بنعمل حاجة تليق بالجمهور وفيلم محترم، وطبعًا المنافسة شديدة وأنا من محب الكريمين وربنا يكرمهم ويكرم كل الناس'.

وعن تقديمه للكوميديا في فيلم البعبع، قال أمير كرارة: 'مخوفتش والفكرة كلها إن الورق شجعني وواثق في المخرج اللي معايا إنه هيظبط الكوميديا، والحمدلله كانت تجربة ممتعة وجديدة عليا، وكان لازم أغير الأكشن لأن الفترة اللي فاتت كانت كلها أكشن'.

وأضاف: 'يمكن كنت قلقان في البداية إني أقدم كوميدي ولكن الحمد لله لقيت رد فعل حلوة من الناس'.

واختتم أمير كرارة حديثه، عن تعاونه مع الفنانة ياسمين صبري، وقال: 'من التجارب الحلوة اللي اكتسبتها في المهنة هو التعامل مع ياسمين صبري، وهي بصراحة ست وممثلة جميلة، وارتحت معاها في التعامل وأتمنى أشتغل معاها تاني، وعندها جمهور كبير جدًا، والناس بتحبها جدًا'.

ياسمين صبري وأمير كرارة

أمير كرارة في مسلسل كلبش