بعد سرقة منتخب انجلترا.. محمد ثروت للاعيبة منتخب مصر: شرابك في ايدك وكووتشك تحت باطك

علق الفنان محمد ثروت على واقعة سرقة طالت منتخب إنجلترا، محولًا الموقف إلى سلسلة من التعليقات الطريفة التي مزجت بين الدهشة والمبالغة الساخرة.

قال الفنان محمد ثروت خلال تقديم برنامج 'قبل الماتش' المذاع على قناة 'صدى البلد': ' سرقة منتخب إنجلترا يخلي اللاعيبة  يبقوا ماسكين شنكارهم في إيدهم وكوتشهم تحت باطهم، أوعى تفتح لأي مخلوق، حتى المدرب ممكن يكون مش المدرب ويقولك أنا المدرب ويقلب كل اللي معاك'.

وأضاف: ' وجينا بقى يا عمرو للتقليد الأعمى والنحت الرخيص، ناقص تقولي كمان إنه مبيجيبش جول الفوز غير في الدقيقة 90، مفيش فريق اسمه الشياطين الحمر غير واحد بس وأنت فاهم وأنا فاهم والسادة المشاهدين فاهمين، نادي القرن يا صايع، الفانلة الحمرا، الفانلة الحمرا'.

وتابع: ' تروسارد ده جميل جداً، كلته في ' واحد بالصوص الأبيض والمشروم، تحفة، ده غير كورتوا حارس ريال مدريد، وكورتوا ده بقى عسل، ده الحلو بالصوص الأبيض والكريز طعمه زي السكر'.

وأوضح: 'دي مش فرقة ده منيو، ده نصه حادق ونصه حلو'.

ليقاطعه عمرو رمزي: 'أنت عارف اللي بتتكلم عليهم دول قيمتهم التسويقية كام؟'.

وتابع ثروت: 'كمان أخلاقهم تسويقية؟ فين أخلاق الرياضة؟ فين الروح الرياضية؟ ده إحنا بنلعب مع بعض يعني في كأس العالم'.