بعد ظهورها بالفستان الأبيض.. ملك أحمد زاهر تكشف حقيقة ارتباطها

كشفت الفنانة الشابة ملك أحمد زاهر حقيقة ارتباطها، بعد انتشار أنباء عن احتفالها بخطوبتها عقب ظهورها بالفستان الأبيض في جلسة تصوير جديدة.

كتبت ملك أحمد زاهر عبر خاصية الستوري التابعة لحسابها الرسمي بموقع انستجرام: «فرح إيه وزواج إيه.. طب محدش جه في دماغه إن مفيش أي عريس في الصور؟.. ولا أنا مخبياه علشان بغير عليه؟.. فرح الآنسة ملك على الأستاذ N».

حقيقة ارتباط ملك أحمد زاهر

وقالت في فيديو نشرته عبر انستجرام: «معلش يا جماعة بس أنا غير قادرة إني أسكت، نزلت جلسة تصوير من يومين بفستان أبيض والمقصود به إنه ملائكي والحمد لله في 80 % من الجمهور فهموا».

وأضافت ملك أحمد زاهر: «لكن في 20 % بيقولوا مبروك ده الفرح ولا كتب الكتاب ولا الخطوبة يكونش قراية الفاتحة ألف مبروك، يعني هل لو فكرنا 5 ثواني هنلاقي إن مفيش عريس في ولا صورة».

ملك أحمد زاهر بالفستان الأبيض

واختتمت: «هل أنا للدرجة دي موصلالكم إني بكره الصنف الآخر لدرجة إني مش هحطه معايا في جلسة تصوير جوازنا، أكيد لأ يا جماعة هتموتوا وتجوزوني هيجرالكم حاجة».

وعلقت ملك أحمد زاهر على الفيديو: «والله ما فرحي.. هو الأبيض مينفعش يتلبس من غير فرح يعني؟».

وكانت قد نشرت ملك أحمد زاهر صور جديدة من جلسة التصوير، وأطلت خلالها ملك بفستان أبيض رقيق مع تاج على شعرها.

ملك أحمد زاهر

ملك أحمد زاهر

ملك أحمد زاهر