بعد عام على رحيله.. شقيقة زياد الرحباني: توفى بسبب إهمال طبي

أثارت ريما الرحباني ابنة المطربة فيروز ضجة واسعة وجدلًا كبيرًا، بسبب كشف السبب وراء وفاة شقيقها زياد الرحباني بعد مرور عام على رحيله.

كتبت ريما الرحباني في منشور عبر حسابها الشخصي بموقع فيس بوك: «زياد ما فَل مِن كِبده ولا مِن البَنكرياس.. زياد ما كان وِصِل على مَرحلة زَرع الكِبِد.. زياد إمّه وإخته معه وحدّه من أوَّل العُمر لآخِر العُمر.. زياد ما استَسلَم ولا زِهِق من الحَياة ولا قرَّر يفِل».

وتابعت: «زياد ملَقَّط بالحياة وبيحِب الحياة وبيخاف من المَوْت وبيخاف على حالُه.. زياد مؤْمِن ثَوْرَجي.. إيمَانه أَقوَى مِن إِيمَانْ المؤْمِنين بدُون تسَاؤُلات.. زياد كان يردِّد السلامُ علَيكي يا مريم كِل الوَقت من 15 سِنة.. زياد سَكَن معنا بعد آخر حَفلة عِمِلها بِرَحبِة، زياد الثَوْرجي اللي بأوّل طَلِعتو تَرَك البَيت، وما عاد رجِعلُه لمّا حَسْ حاله تِعبَان خاف يِبقى وحْدُه وفَضَّل يِبقى مَع أهلُه نِحنَا».

واستكملت شقيقة زياد الرحباني: «زياد راح غَلطة أو إهمالْ طُبّي من حُكما آمَن فيهُن وكان يُرفُض بشَكل قاطِع يستَشير غيرُن، وهنّي يَبدو ما آمَنو فيه!.. إِهمال أو غَلطة، غَلطة كبيرة كتير.. الله لا يسامِح اللي كان السَبَب مع إِنّي مَسيحيًّة لازم سامِح بس لأوّل مرّة مش قادرة».

واختتمت ريما الرحباني: «لأن زياد ما كان بيِنغَلَط معه، مش زياد اللي بيِنغَلط معه حتّى لو كَان مريض عنِيد ومِتعِب.. بفَضّل إِكتِفي بهَالقَدْ لأن أساسًا كل هَيدا ما كان بيِعنِي حدا بس لما تِكتر الأقوال والخبَرِيّات.. وتِتثَبَّتْ لازم صاحِب الحَق يصحِّحَا

فا رَحْ إكتِفي بالعَناوِين وإنشالله ما إضْطَر ولا يَوْم للنَشْرة الكامِلة».