«بيسجل 36 أغنية ويختار 12».. أمير محروس يكشف كواليس ألبوم عمرو دياب الجديد «حبيتك»

كشف مهندس الصوت أمير محروس، مفاجآت تعاونه مع الفنان عمرو دياب في ألبومه الجديد، الذي يحمل اسم «حبيتك».

قال أمير محروس عبر تصريحات تلفزيونية: «بقالنا 6 شهور شغالين في الألبوم الجديد اللي نازل قريب إن شاء الله».

وتابع: «الهضبة كل ألبوم بيعمل عدد أغاني كتير جدًا وفي الآخر خالص بيستحسن أحسن ما فيهم واللي هو شايف أنه لايق عليه ولايق على تاريخه».

واستكمل أمير محروس: «هو بيختار ويشتغل في كمية أغاني مش طبيعية بنوصل لـ36 أغنية مثلا عشان يصفيهم على 12 أغنية بيقرر أنهم يروحوا للجمهور».

وقال عن الألبوم الجديد لعمرو دياب: «إن شاء الله ألبوم حبيتك عمرو دياب دايمًا بيغني بس المرة دي في سلطنة بجد وفي كلمات ومواضيع مختارها على الفرازة، في مجموعة كبيرة جدًا من الشعراء والملحنين والموزعين كلهم أسماء كبيرة وقوية ومفاجآت كتير وعندنا ناس كتير لأول مرة تشتغل مع الهضبة إحنا شغالين على اللمسات الأخيرة وخلال أيام تسمعوه وتفرحوا بيه».