تامر حسنى لرامي جمال: أوعى تخبى نفسك وافتكر مايكل جاكسون

وجه الفنان تامر حسنى رسالة مؤثرة للمطرب رامى جمال الذى أعلن تفكيره فى اعتزاله الغناء إثر اصابته بمرض البهاق.

وقال تامر حسنى على صفحته بموقع التواصل الإجتماعى فيس بوك: إلى الفنان الكبير و الصديق الحقيقي و المحترم رامي جمال يا حبيبي انت فنان كبير و محبوب و ليك قيمتك و كل الناس بتحبك و مفيش حاجه هتعطلك عن نجاحك ، و تعبك دا لاهو مؤذي ولا مُعدي و كل الناس جواها تعب في منه اللي ظاهر و في منه اللي مش ظاهر حتى لو كان تعب نفسي او مادي كل شخص جواه وجع من حاجه معينه المهم اننا نبص و نتعلم من اللي ظروفهم اصعب مننا و رغم كدا عندهم صبر و بينجحوا في الإختبار و بيقولوا الحمدلله و مكملين و عندهم إرادة و بينجحوا أكتر من الأول لازم تكمل نجاح يا رامي و شيل اي هلاوس من دماغك واوعى تخبي نفسك اللي بيحبك بيحبك لشخصك و فنك صدقني دي حاجه عادية يا رامي والله ملهاش اي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي و نفسهم يفرحوك وبعدين إفتكر ان مايكل چاكسون جاله نفس اللي جالك وبقى اسطورة مبتتكررش خالص وانت فنان و عارف

واختتم تامر حستى رسالته لرامى جمال قائلا: أنا واثق انك مؤمن و بتحمد ربنا وهتقوم وهتكمل وهفكرك قدام كل الناس اللي شايفه كلامي انك هتنجح اكتر واكتر وربنا هيكرمك أجمل كرم وهتشوف قريب .. بحبك يارامى.