تامر ضيائي قبل وفاته: صلاة الجنازة أهم من العزاء وبلاش صدقة جارية تقليدية

رحل الفنان تامر ضيائي عن عالمنا اليوم الأربعاء 17 يوليو 2024 بعد صراع مع المرض، ولكنه قبل وفاته بشهرين كشف وصيته وثبتها على حسابه الرسمي بموقع فيس بوك.

تضمنت وصية تامر ضيائي 10 نقاط هامة، ومنها أن صلاة الجنازة أهم من العزاء وهي اللي كل ما العدد زاد كل ما ثوابه كان أكثر، مضيفًا: «أرجوكم تصلوا عليا»، وأشار إلى أنه لم يثبت أو يتفق عليه عمل ختمة قرآن للمتوفي ستصل له، ولكن مثبت أن الدعاء والصدقة يصلون للميت».

وصية تامر ضيائي

وقال في وصيته أيضًا: «مش شرط تيجى العزاء وياريت لو إتعمل في البيت أو مكان بسيط بفلوسه تطلعولي صدقة جارية أفضل، ومحدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللي عندهم ومفيش حاجة بتقول إن العياط معناه عدم رضا بقضاء ربنا وأبيضت عيناه من الحزن فهو كظيم».

واستكمل في وصيته: «بلاش صدقة جارية تقليدية وسهلة ومش مستفاد بيها يعني المصاحف كتير في مصر أوي وكل بيت فيه كتير فممكن نحط الفلوس فى جامع بيتبني أو كرسي متحرك في مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة وأهم حاجة تاني هي الدعاء وبس والصدقة».

تامر ضيائي

تصريحات الفنان تامر ضيائي قبل وفاته

وأضاف الفنان تامر ضيائي في وصيته التي كتبها قبل وفاته بشهرين: «من فضلكم تكثروا الدعاء وقت نزول القبر وتتصدقوا بأى حاجه بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زى دي».

واختتم: «واللي بيحبوني يدعولي كتير عشان لو مفيش حد يدعيلي والموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني، وعاوز الكل يسامحني على أي حاجه عملتها فيه بقصد أو بدون قصد».

تامر ضيائي

الفنان تامر ضيائي