تامر عبد المنعم: "دفنت أمي ونزلت شغلي.. وده مش تمثيل ده قدرنا"| فيديو

تحدث الفنان تامر عبد المنعم عن التحديات القاسية التي يواجهها العاملون في مجال الفن، مؤكدًا أن هذه المهنة لا تعترف بالظروف الشخصية أو الألم، وأن الفنان مطالب دائمًا بالظهور في أفضل حالاته أمام الجمهور، حتى لو كان يحمل جرحًا عميقًا في قلبه.

وخلال لقائه مع الإعلامية شيرين سليمان في برنامج سبوت لايت على قناة صدى البلد، قال عبد المنعم: 'أنا شايف إن شغلانتنا دي مش بس مهنة، دي قدر.. مهما كنت موجوع، لازم تنزل وتضحك وتقابل الناس وكأن مفيش حاجة حصلت'.

وأضاف: 'والدتي توفيت، وكان عندي تسجيل لحلقة من برنامجي، ونزلت اشتغلت عادي، كنت بعمل حلقات سياسية فيها خناقات مع الإخوان ومناقشات ساخنة، بس نزلت وكملت.

وتابع ووالدي رحمه الله لما توفى، خدت عزاه، وطلعت بعدها على بروفة جينرال لحفلة كبيرة كان بيشارك فيها الفنانين لؤي ومصطفى شوقي بقيادة المايسترو سليم سحاب، وقعدت معاهم لحد تلاتة الصبح، لأنني كنت مخرج العرض.'

واستكمل حديثه بتأثر شديد: 'تاني يوم كنت واقف في استقبال وزير، وبسقف في الصف الأول.. ما هو ده شغلي، هو أنا لو دكتور وجالي مريض هيموت، مش هعمله عملية عشان أنا لسه في عزاء والدي؟ لا طبعًا، لأن المريض ممكن يموت، وإحنا كمان شغلنا فيه مسؤولية، يمكن مش حياة إنسان، لكن فيه جمهور منتظر، ورسالة لازم توصل'.

وأكد عبد المنعم أن الفنان لا يعيش في معزل عن مشاعره، لكنه يضطر للظهور بوجه آخر أمام الكاميرات والجمهور، قائلًا: 'إحنا مش بنفصل، بس بنتعلم نكمل، الحزن بيبقى جوانا، بس لازم نمارس شغلنا، لأنه قدرنا'.