تامر عبد المنعم يكشف رأيه في ارتداء الأطفال الحجاب بالدراما

إسماعيل هاني 02 يوليو 2023 | 10:09 صباحاً

كشف الفنان تامر عبد المنعم، عن رأيه في الحجاب بالدراما التليفزيونية واستخدام الاطفاله له في المشاهد التي يظهرون فيها.

تامر عبد المنعم والحجاب

تامر عبد المنعم، قال في تصريحات تليفزيونية، إنه ليس ضد الحجاب وارتداءه ولكن عندما ترتديه المرأة فله عمر معين، موضحا: لما تعدي على مدرسة ابتدائي تلاقي كل البنات اللي فيها محجبات.

وأضاف تامر: أنا مش ضد الحجاب ولكن الحجاب له عمر وده قرار مينفعش طفلة عندها 10 و 12 سنة تقتل براءتها وتبقى خايفة، لازم تعيش طفولتها.

تامر عبد المنعم، تحدث في وقت سابق عن سبب رفضه دخول ابنته الوسط الفني، وفي حالة دخولها عدم المشاركة في أي أعمال يخرجها خالد يوسف، بالإضافة إلى كرهه لأفلام المخرج الراحل يوسف شاهين.

وقال عبد المنعم قال في تصريحات تليفزيونية: محبش بنتي تمثل، تاني حاجة لو هتمثل محبهاش تمثل مع خالد يوسف مع احترامي الشديد له، وسط صعب والبنات في ظروفهم وتربيتهم ونشأتهم صعب، ولو اتعاد بيا الزمن هاخد قرارات كتيرة مكنتش أخدتها.

وتابع: أنا مش هحط نفسي عرضه تحت فك حد، وأنا اشتغلت مع نجوم الوطن العربي، وتعبت كتير ومحبش عيالي يدخلوا الوسط ده.

وأوضح: أنا محبش بنتي تشتغل مع خالد يوسف لأنه معروف عنه أنه فتك وبتاع ستات وممكن يعاكسهم ولا حاجة تبقى مصيبة سوداء.