تحذيرات طبية من الولادة القيصرية.. تحرم الطفل من البكتيريا المفيدة.. فيديو

حذرت الدكتورة عبلة الألفي، نائب وزير الصحة لشؤون السكان وتنمية الأسرة، من خطورة الولادة القصيرية، مؤكدة أن الولادة الطبيعية أفضل لأنها تحتوي على بكتيريا نافعة ومفيدة.

وأضافت عبلة الألفي خلال تصريحات لها عبر قناة "صدى البلد"، قائلة: «هناك فكر سائد بين الفتيات الجميلات اللاتي يتزوجن مؤخرًا إيه يخليها تولد طبيعي وطلق ونصرخ والكلام دا كله مش موجود، ممكن جدًا الولادة الطبيعية بدون ألم».

وتابعت: «طيب لازم كل ست تفكر لما تولد قيصري أنها هتحرم ابنها من البتكريا النافعة، المرور في قناة الولادة دا مش أمر عادي، ربنا عمله علشان فيه بكتيريا نافعة وتدخل للطفل وتزرع على جلد الطفل، وتدخل الجهاز الهضمي وتشغل المخ، وتخليه يشتغل كويس وتقلل كمان التوحد».

وأردفت: «الجنين يعيش داخل الرحم وسط دائرة من المياه، وقبل الولادة بأسبوعين ربنا يوقف إنتاج المياه وتبدأ تتكون الخلايا الليمفاوية تمتص المياه، ولما الطفل يتعرص في قناة الولادة، يستخلص الأكسجين وبالتالي مش يدخل الحضانة علشان يتنفس».