تعليق مؤثر من نجل حسن المستكاوي بعد وعكته الصحية.. «تعالى وسطنا ولمنا حواليك تاني»

تمنى خالد المستكاوي، نجل الكاتب الصحفي الكبير حسن المستكاوي، أن يتعافى والده من الوعكة الصحية الشديدة التي يمر بها حاليًا.

وقال خالد المستكاوي، عبر حسابه على فيسبوك، «يلا يا بابا بقي شد حيلك بإذن الله كفاية كدة.. نفسي تشوف محبة الناس كلها ليك عاملة ازاي… نفسي تشوف كل الدعوات.. اللي الناس بتدعيهالك وحب الناس ليك عامل أزاي على المستوي المهني، الشخصي، والإنساني».

وأردف قائلًا: «تعالي يلا نتكلم في الكورة و اطمنك عليا و علي حفدتك اللي جاية ان شاء الله عشان تشوفك!

تعالي نشرب قهوتنا ونتكلم في كل حاجة زي عادتنا.. تعالى وسطنا ولمنا حواليك تاني».

وتابع قائلًا: «يا رب بحق سيدنا محمد أن تشفي والدي و تطمنا عليه، يا ريت ندعيله كلنا لأنه محتاج دة».