جلا هشام: الحب لوحده هطل واستعنت بكوافيرات شعبية بسبب «ولاد الشمس»

تحدثت الفنانة جلا هشام عن مواصفات فتى أحلامها، وكواليس تحضيرها لشخصيتها في مسلسل ولاد الشمس.

قالت جلا هشام عبر تصريحات تلفزيونية: «فيه ثوابت وفيه حاجات بتتغير، الثوابت مينفعش حد مبنضحكش مع بعض، عايزين الحياة تبقى خفيفة ولازم نضحك، كل الناس بتقول أنا عايزة حد يكون بيعرف ربنا، علشان لو مش هيعمل الحاجة علشان بيحبني يعملها علشان خايف من ربنا».

جلا هشام تكشف مواصفات فتى أحلامها

وتابعت: «الحب لوحده هطل، فيه حاجة عرفتها مؤخرًا إني مينفعش أحب حد أكتر من نفسي، لازم أحبنا قد بعض».

واستكملت جلا هشام: «أهم حاجة عندي في الدنيا مينفعش الحيوانات تعاملها وحش، أنا نباتية علشان بحب الحيوانات».

جلا هشام مسلسل ولاد الشمس

وفيما يخص كواليس مشاركتها في مسلسل ولاد الشمس، أوضحت أنها اندمجت في الشخصية لدرجة أنها أحبتها للغاية.

وقالت جلا هشام: «حبيت شخصية سعاد في مسلسل ولاد الشمس من أول مرة قرأت فيها السيناريو، لأني كل مرة بقدم شخصية أبحث عن المشترك بيني وبينها، وفي آخر يوم تصوير قعدت أعيط أوي بسبب ارتباطي بالشخصية، شخصية سعاد جريئة جدًا عكس شخصيتي، لذلك قررت أروح أعمل شعري في كوافيرات شعبية علشان اتعلم الشخصية واخد منهم حاجات تظهر شخصية سعاد بطريقة مميزة وده ساعدني جدًا».

واختتمت: «روحت لكوافيرات كتير في مناطق شعبية وخليتهم يكلموني عن حياتهم، وبدأت اسمع ليهم وأشوف طريقتهم علشان أقرب لشخصية سعاد، واستفدت منهم جدًا في خروج الشخصية بهذه الطريقة».

جلا هشام