جواهر تلجأ لشوربة الكرنب كي تفقد وزنها.. ووصفت غناء العندليب للمهرجانات بالذكاء الاصطناعي بالكارثة

كشفت الفنانة جواهر عن رأيها في تصريحات الملحن عمرو مصطفى حول حديثه عن المطربين وأنهم مجرد أداة والملحنين فقط هم المبدعين.

جواهر ترد على عمرو مصطفى

قالت جواهر في تصريحات تلفزيونية: 'المطرب أداة وقوة صوت وإحساس وحاجات كتير جدا، من غير المطرب لا يقدر يعمل حاجه ولا الملحن يقدر يعمل حاجه، ولا الشاعر يقدر يعمل حاجة، والتلاتة بيكملوا بعض جزء لا يتجزأ من بعض'.

جواهر

جواهر تكشف رأيها في الذكاء الاصطناعي

كشفت جواهر رأيها في الذكاء الاصطناعي، وقالت: 'لما شوفت ام كلثوم على المسرح وفرقة بتعزف وراها انبهرت، كل يوم احنا بيحصل عندنا تطور في التكنولوجيا أما موضوع الذكاء الاصطناعي لم أتابعه ولكن إذا رأيت عبد الحليم يغني مهرجانات بتقنية الذكاء الاصطناعي تبقى كارثة ولازم أستاذ مصطفى كامل يتحرك فورا في الحاجات دي'.

كيف فقدت جواهر وزنها؟

تحدثت جواهر عن كيفية فقدانها لوزنها، وقالت: 'خدت فترة من فترات حياتي كان نفسي ألبس زي ما بيلبسوا الناس في الافراح والحفلات كل ما اروح محل ملاقيش الحاجة اللي أنا عايزاها والحاجة بتطلع عليا وحش وجاتلي حالة نفسية وكنت بروح أكل بليل طبق محشي وحلويات واكتئبت ووزني وصل لـ ١٠٥، وروحت للدكتور قولتلوا عايزة اي حاجه تخسسني، ولجأت لشوربة الكرنب'.