جيهان قمري تفجر مفاجأة عن طليقها: كان بيضربني وبأصرف عليه

كشفت الفنانة جيهان قمري، تفاصيل زيجتها الوحيدة التي انتهت بالطلاق، وتعرضها للضرب والإهانة منه على الرغم من أنه كان يعيش بمنزلها وتنفق عليه بأموالها.

جيهان قمري وقصة ندمها على زواجها

وقالت جيهان قمري، في تصريحات تليفزيونية: ندمانة على التجربة وعملتلي حالة بلوك لأي حد في حياتي للأسف،

ومش عيب الواحد يتوجع وأنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني.

وتابعت: أنا كنت متجوزة مدني في قبرص وعملت الورق كله وانا اللي سافرت ولغاية النهارده انا اللي معايا الورق كله وهو معهوش ورقة واحدة تثبت إننا اتطلقنا، لما أخدت القرار أنا اللي سعيت لكل حاجة، على الورق اتجوزته 6 شهور وعلى الحقيقة 3 شهور، مطلعش راجل بمعنى الكلمة للأسف راجل بيمد إيده على ست وتقريبًا كان عنده نقص بيعوضه بحاجة تانية ده بالنسبة لي مش راجل.

وأوضحت: هبقى كدابة وملاوعة لو قولت مأثرش فيا وعلمني حاجات كتير وقواني كتير وخلاني أبقى فاهمة الدنيا رايحة

فين وجاية منين.

جيهان قمري وانفصالها

وأضافت: مش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيا كان اللي هيحصل، الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور.

محمد صبحي يستعيد ذكرياته مع الراحل محمود عبد العزيز: «حبيبي وصديقي»

جيهان قمري عن دورها في فيلم عمارة يعقوبيان: الناس بتقولي يا حرامية.. فيديو

هندية : أيمن السويدي أخبرني أنه هيموت صغير ومش عايز أولاد .. فيديو