حازم إيهاب يكشف أزمات مرّ بها في حياته.. من خيانة لضغط نفسي

كشف الفنان حازم إيهاب كواليس أزمات مرّ بها في حياته، قبل ارتباطه بزوجته منة، حيث أن تجاربه العاطفية السابقة تركت أثرًا نفسيًا وصحيًا عليه.

قال حازم إيهاب عبر تصريحات إعلامية: «قبل ما أشوف مراتي، كنت خارج من 3 علاقات، وكل واحدة أسوأ من اللي قبلها، اتعرضت للخيانة مرتين، وفي الثالثة الطرف التاني هو اللي سابني».

تصريحات حازم إيهاب عن زوجته

وتابع: «وصلت لمرحلة إني أصبت بعدم انتظام في ضربات القلب بسبب الضغط النفسي، ومن أول لحظة حبيت منة، وبعد أسبوع قُلتلها إني عايز أتجوزها، وهي غيّرت كل حاجة في حياتي، روحت لوالدتها وقلت بمنتهى الوضوح: أنا مش معايا حاجة دلوقتي، بس أول ما الفلوس تيجي هنتجوز، كنت عايز أعمل كل حاجة صح».

وأشار حازم إيهاب إلى أن والدة زوجته استقبلته بترحاب واحتواء، ولم تشترط سوى سعادة ابنتها، معلقًا: «قالتلي: أنا مستأمناك على بنتي.. قايمة إيه؟ بنتي دي تفرح بأي حاجة، أنا كنت في حالة نفسية سيئة، وهي خلتني شخص مختلف، خدت عهد على نفسي إن كل حاجة في حياتي تبقى ليها».

تصريحات حازم إيهاب

وأوضح أن بعد الزواج مباشرةً حصل على فرصة فنية مميزة، إلا أن الطريق لم يكن سهلاً، مختتمًا: «عدت 7 شهور من غير شغل، بس تجاوزنا المرحلة دي بمشاركتي في مسلسل من إنتاج مارفل أخرجه محمد دياب».

حازم إيهاب