حسام حبيب يثير الجدل: ما يقال حملة لتخويفي وإبعادي عن شيرين

نفى الفنان حسام حبيب أنباء القبض عليه بتهمة تجارة وحيازة المخدرات، مؤكدًا أنه موجود في منزله وهذه الشائعات ما هي إلا محاولة لتخويفه والضغط عليه للابتعاد عن الفنانة شيرين عبدالوهاب.

قال حسام حبيب في بث مباشر عبر موقع انستجرام: «إشاعة القبض عليا مش مظبوطة ومعروف مين بيطلعها دي حملة ممنهجة ضدي والمرة دي فيها غلط كبير لأن فيه تسريب لتحقيقات النيابة وكل مرة أنا مش برضى أتخذ أي إجراء إكرامًا لشيرين».

تعليق حسام حبيب على أنباء القبض عليه

وتابع: «ومش فاهم ليه الشخص ده قلبه عامل كده جايب اللي جواه دا منين، أنا مستني ربنا هيجيبلي حقي، وضغط الناس عليا بيخوفني، يعني الأخ ده بدل ما يشوه أخته ويشوهني يروح يبص على أخته مرة واحدة بدل ما هو مضيع وقته في الكلام ده، وقت خناقاتنا كان بيتقالها كلام مش حقيقي زي دلوقتي هو عنده القدرة يضحك على شعوب ولازم الناس تقف له».

واستكمل حسام حبيب: «بس هو عامل حساب أن اللي قدامه مش بيقف له حفاظًا على العشرة وأخته، لكن أقسم بالله مش هسيب حقي، وكل اللي بيحصل وبيتقال إني اتقبض عليا عشان يخوفوني ويخلوني أبعد عنها وده ممكن يحصل أنا مش بخاف على نفسي أنا بخاف على أهلي، أنا مش هسيب شيرين تتأذي عشان خايف من الناس أنا عايز الناس تقف معايا لحد ما ربنا يظهر الحقيقة».

تصريحات حسام حبيب

وأضاف: «لو موقفتش جنبها مين هيقف جنبها إذا كان أقرب الناس اللي من دمها مش بيطلوا عليها، أنا بطلب من الناس تمشي ورا الكداب لحد باب الدار».

واختتم حسام حبيب: «أنا مشربتش سيجارة في حياتي.. اسألوا عني كويس، وشوفوا شكلي وتصرفاتي، وقارنوها بتصرفات اللي بيقولوا الكلام ده، وهتعرفوا الحقيقة».