حسام داغر في أول ظهور له بعد الوعكة الصحية : «حسيت بحب زمايلي ليا»

تحدث الفنان حسام داغر عن تكريمه أمس في مهرجان نجم العرب عن دوره في مسلسل السيدة زينب، بعد تعرضه لوعكة صحية شديدة .

وقال، «الحمدلله قدرت انزل من بيتي بالأمس لحضور تكريمي جائزة أفضل ممثل شاب في مهرجان نجم العرب عن دوري في مسلسل «السيدة زينب» بشخصيه أبو المكارم القريبة لقلبي وسط مجموعة جميلة من نجوم مصر و العرب و الجائزة كانت نتيجة استفتاء الجمهور في العالم العربي».

وعبر عن سعادته بعد حصوله على الجائزة قائلاً، «حقيقي سعيد أني أول مره انزل بعد العمليه رغم تحذيرات الأطباء لكني كنت سعيد و مبسوط و ده لوحده بيساعد في الشفاء السريع، بشكر كل الي كلمني و زارني في بيتي او المستشفي و بشكر كل الي كتبلي او دعالي بالشفاء في كل مكان حسيت بالحب في كل كلمة و من قلبهم و اصدقائي و زملائي حسيت بخوفهم عليا و فرحتهم بيا امبارح بشكركم جداً» .

وتابع، «التكريم حياة .. بتخليني احس اني احسنت الاختيار .. بشكر ادارة المهرجان الراحل محمد فريد و دكتور حكيم و مروه عمارة و نسرين و كل المنظمين و بشكر كل طاقم العمل لمسلسل السيدة زينب من اول المخرج الكبير محمد النقلي لانه اول واحد قالي هتاخد جايزة علي الدور ده و أحمد صبحي المؤلف و الاستاذة سوسن بدر صاحبة الترشيح الاول ليا في الدور و المنتج المحترم الاستاذ ممدوح شاهين و رجالته و مدير التصوير استاذ شريف هلال و فريقه العظيم و زمايلي الي لولاهم مكنتش هعمل الدور كده الاستاذة لبني ونس و الجميل محمد يونس و القمر روح الروح سامية الطرابلسي حقيقي اتشرفت بيكوا كلكم».

وقد أعلن الفنان حسام داغر، تعرضه لوعكة صحية شديدة، خلال فترة سفره في جورجيا.

وكتب حسام عبر حسابه الشخصي على موقع التاوصل الاجتماعي «فيس بوك»: «مبحبش اتكلم كتير في حاجة تخص تعب عندي أو اشكي لحد و بحب دايما الناس تشوفني مبسوط زي ما بحب أشوفهم مبسوطين، أنا جيت من السفر امبارح بس كنت مصاب بجرح كبير في رجلي و أنا في جورجيا و دخلت بسببه المستشفي».

وأضاف حسام داغر، «هناك عملوا جراحة سريعة وافتكرت الموضوع هيخلص على كده بالمتابعة ولكن بعد كام يوم لقيت الموضوع بيكبر ومخلصش ومضطر أعمل عملية انهاردة في مصر بعد ما رجعت وقالولي الحالة طارئة وللأسف العملية بنج كلي والمتابعة بعدها أهم لضمان نجاح العملية».

وتابع: «قلت الحمدلله وأنا مؤمن دايمًا إن قضاء الله أخف وأحن من أي حاجة تانية وأكيد ده الافضل لأني واثق إن ربنا بيختارلي الأفضل.. بطلب منكم الدعاء بس لتخفيف أي آلام و بشكركم».

حسام داغر ناعيا أحمد خليل: وداعًا النجم العبقري

حسام داغر يعلن دخوله العمليات : أرجوكم ادعولي الحالة طارئة