حسن الرداد عن ضيوف شرف فيلم بلوموندو: مفيش أعلى من إيمي سمير غانم أقفل بها

علق الفنان حسن الرداد على مشاركة زوجته الفنانة إيمي سمير غانم كضيفة شرف، في فيلم بلوموندو الذي يُعرض خلال الفترة الحالية.

قال حسن الرداد عن ظهور إيمي سمير غانم في فيلم بلوموندو، عبر تصريحات تلفزيونية: «هي فكرة بسيطة وذكية جدًا في نفس الوقت».

حسن الرداد وإيمي سمير غانم

وتابع: «كنت عايز أرجع اعمل حاجة كوميدي كان بقالي كتير معملتش كوميدي، والحمد لله ردود الأفعال اللي شايفها من الناس في الوطن العربي حاجة حلوة للفنان وللفيلم.. وكنت بشوف أستاذ عادل أمام والأستاذ محمد عبد العزيز وأحمد زكي، كل النجوم بتغني في الأفلام اللي بتستدعي أنه يعرف يغني فيها».

واستكمل الفنان حسن الرداد حديثه عن فيلمه الجديد «بلوموندو»، قائلًا: «الأغنية من العوامل اللي بتأكد الحدث الدرامي الموجود.. وضيوف الشرف في الفيلم عمرو يوسف أخويا وصاحبي وعشرة العمر ومن أجدع الناس اللي قابلتهم في حياتي، وبشكره على وجوده في الفيلم».

فيلم بلوموندو حسن الرداد

ضيوف شرف فيلم بلوموندو

وقال حسن الرداد أيضًا عن ضيوف شرف فيلم بلوموندو: «كلمت عمرو يوسف الساعة 5 الصبح قولتله عايزك تيجيلي الفيلم قالي إمتى قولتله كمان كام ساعة، مقالش حاجة وكان عنده مواعيد لغاها».

واختتم: «رامي رضوان نفس الموضوع وحضوره كان طاغي وجميل أما إيمي سمير غانم كانت دي أول حاجة تمثلها بعد ما كان بقالها فترة بعيدة عن التمثيل، قولتلها عايزك تيجي تقفلي الفيلم لأني مش هلاقي أعلى من كدا أقفل بيها الفيلم ومترددتش».

حسن الرداد فيلم بلوموندو

حسن الرداد وإيمي سمير غانم