حسن فؤاد يروي كواليس لقاءه الأول مع بليغ حمدي في منزله

كشف الفنان حسن فؤاد، كواليس لقاءه الأول مع الموسيقار الكبير الراحل بليغ حمدي، ومشواره مع مأمون الشناوي.

حسن فؤاد ومأمون الشناوي

وقال حسن فؤاد، في تصريحات ببرنامج «إن بوكس»، المذاع على قناة صدى البلد 2: «كنت محظوظ بلقاء الكبار، وأول حد قابلته كان الشاعر الكبير مأمون الشناوي، وهو أول حد سمعني ولما قابلته كان كبر أوي وقتها وكان عنده داء بالشغل.. كنت بلاقيه يكلمني على الهاتف الساعة 2 بالليل أو 3 بالليل ويقولي تعالا أقعد معايا، وقدمني لمجدي العمروسي، وأول حد كان هيلحن لي هو بليغ حمدي».

حسن فؤاد وبليغ حمدي

وتابع فؤاد: «وأنا رايح لبليغ حمدي البيت، كنت بقول إزاي وردة القمر تحب بليغ حمدي وتعشقه بالشكل ده أكيد فيه سر، وهو

كان ساكن في ميدان سفنكس وكانت قاعدة معاه شقيقته صفية هانم، ولقيتها بتفتح لي الباب، ولقيته جاي يستقبلني، وقابلني وخدني لأوضة البيانو ولقيت كذا عود وربابة لأنه كان عاشق لهذه الآلآت».

وأضاف: «قعدت معاه ولما مشيت من عنده قلت دي مش تحبك دي تعشقك، لأنه كان عنده كاريزما غير عادية ويحتضنك ويحتويك، وتحسن انك تعرفه من قبل كدة والجيل كله بتاعه كدة عمار الشريعي أو كمال الطويل أو محمد الموجي.. ويشاء القدر ان بدايتي تكون مع عمار الشريعي في أرابيسك».