حسين فهمي يكشف تفاصيل بروتوكول القاهرة السينمائي مع مهرجان الشارقة

أعلن الفنان حسين فهمي توقيع بروتوكول تعاون بين مهرجان القاهرة السينمائي الدولي مع مهرجان الشارقة السينمائي الدولي للأطفال والشباب.

وكتب الفنان حسين فهمي رئيس مهرجان القاهرة السينمائي، في منشور عبر حسابه الرسمي بموقع انستجرام: «بروتوكول تعاون بين مهرجان القاهرة السينمائي الدولي ومهرجان الشارقة السينمائي الدولي للأطفال والشباب».

حسين فهمي رئيس مهرجان القاهرة السينمائي

وتابع: «تم توقيع اتفاقية تعاون بين مهرجان القاهرة السينمائي الدولي ومهرجان الشارقة السينمائي الدولي للأطفال والشباب بحضور الشيخة جواهر بنت عبدالله القاسمي رئيسة المهرجان».

واختتم الفنان حسين فهمي: «والهدف من التعاون نقل الخبرات الفنية ومتابعة الأعمال القائمة ودراسة المشاريع المستقبلية بما يحقق اهداف المهرجان في المجتمع».

حسين فهمي مهرجان الشارقة السينمائي

وعلى الجانب الآخر، كان قد تحدث الفنان حسين فهمي عن مشواره الفني، وحرص على تقديم مجموعة من النصائح للشباب في الفن، قائلًا: «الفنان لازم يكون مثقف، إحنا بنتسأل في كل حاجة، يعني مثلا إحنا بنتسأل إيه رأيك في اللي بيحصل في غزة».

وتابع الفنان حسين فهمي في الجلسة النقاشية «مشوار فنان» ضمن فعاليات مهرجان الشارقة السينمائي الدولي: «لازم أبقى فاهم سياسة علشان أرد، علشان مينفعش أقول أي حاجة، وأنا صغير كنت لما اسأل في حاجة أهلي يقولولي افتح إنسيكلوبيديا، قاموس كبير في كل أو أغلب المعلومات».

حسين فهمي رئيس مهرجان القاهرة السينمائي

تصريحات حسين فهمي

واستكمل الفنان: «دلوقتي الموضوع أسهل، الانترنت سهل كل حاجة، علشان كده سهل تبقي مثقف ودارس.. إحنا جيلنا مكنش بيهمه المادة، أنا كان عندي عربية اسمها رمسيس ولما جبت الـ 28، حسيت إني جبت مرسيدس، وأكيد المعاناة هي اللي بتصنع الفنان وبتدمره، وكنا كلنا بندور علي الشغل وبس».

وقال حسين فهمي في الجلسة النقاشية اليوم الثلاثاء 24 أكتوبر 2023: «لكن الجيل الجديد بيعدي ويبصلنا، مش زينا كنا أما نشوف حد من جيل أكبر كنا نقوم نقف، في ناس كتيرة مش بتبقي عارفة إيه سبب نجاحها وسقوطها، علشان كده لازم الفنان يكون علي أرض ثابتة».

حسين فهمي في مهرجان الشارقة