حقيقة تعرض أحمد العوضي لوعكة صحية مفاجئة

أثار الفنان أحمد العوضي قلق الجمهور ومحبيه، بعد انتشار أنباء تشير إلى تعرضه لوعكة صحية مفاجئة قبل ساعات.

ومن جانبها، وجهت الفنانة فريدة سيف النصر رسالة له بعد أنباء تعرضه لوعكة صحية، في منشور عبر حسابها الرسمي بموقع فيس بوك.

حقيقة تعرض أحمد العوضي لوعكة صحية

وكتبت فريدة سيف النصر: «أحمد العوضي سلامتك يا أخويا.. العين حق؟.. يخرب بيت السوشيال ميديا اللي خلت عيون مبحلقة مابتخافش الله بدل ماتصلي على رسول الله وتقول ماشاء الله.. لأ تغل وتشر في نفسها وتتمنى زوال النعمة.. وطبعًا دول معندهمش استعداد يشتغلوا مش فاضيين».

وتابعت: «إزاي تفوتهم لمحة ولا حفلة فرح ولا لبس ولا بيت أو أكل ونجاح لحد أي حد حتى أطفال يخرب بيوتكم مش عايزين يسموا بالله وتقول له قول الله أكبر مايقولش.. هما قاصدين وهات يا شتيمة وشماتة وانتقاد وكراهية ونقد غريب حتى المتطلقين خايفين لا يرجعوا فيهزأوهم .. واللي متجوزين مش عاجبين لازم يطلقوهم.. والشغل ده يقرف والشغل ده حلو على حسب مزاجهم المزعج المنفسن».

واستكملت الفنانة فريدة سيف النصر: «الحمدلله أنهم قلة وفيه غيرهم بيسمي ويصلي.. حتى العيل ضاضا مافلتش منهم حتى جدته بيتهموها أنتم شياطين.. والناس عمالة ترحل ودول ولا هما هنا مش بعيد بيحسدوا شكل المدفن مثلًا اه والله قرأت تعليق شوفوا المدافن أهو كده يا بلاش».

واختتمت: «إلهي تندفنوا في قصور بس يالا فارقونا.. كارهين كل حاجة وهما هما اللي هتلاقيهم بيكرهوا الحيوانات، إيه ده أنتم بتأكلوهم طيب ما تأكلوا بني آدمين، إيه عرف يا حزين يا كئيب أن اللي عنده رحمة لحيوان مش هيرحم إنسان.. تعبت منكم وزعلانة عشانكم دخلتكم القبر هتبقى ليلة الله أعلم بها.. العين حق بحلقوا بس صلوا على النبي حرام عليكم.. العين حق .. العين.. حق.. الحمدلله تيجي في شغل في ستين داهية.. لكن».

فريدة سيف النصر

أول تعليق من أحمد العوضي بعد أنباء تعرضه لوعكة صحية

ومن جانبه، حرص الفنان أحمد العوضي على طمأنة جمهوره، وكشف حقيقة تعرضه لوعكة صحية.

وكتب في التعليقات: «أنا كويس يا ست الكل يا أم قلب أبيض.. إشاعة والله»، وبذلك ينفي الأنباء المنتشرة بشأن تعرضه لوعكة صحية.

أحمد العوضي

أحمد العوضي