حلا شيحة لوالدها : «متفهمة خوفك عليا ياأغلى الناس»

نشرت الفنانة حلا شيحة رسالة والدها الفنان التشكيلي أحمد شيحة، عبر حسابها الشخصي بموقع تبادل الصور والفيديوهات «انستجرام».

وعلقت حلا على الصورة قائلة، «حبيبي والدي الغالي اعز الناس بحبك و محدش يحقدر يخلف بنا ابداً و انا متفهمة حبك و خوفك عليا و انت اغلي الناس .. انت غالي عندنا كلنا».

هاجمت الفنانة حلا شيحة والدها الفنان التشكيلي أحمد شيحة، بعدما تحدث عنها بأن معز مسعود وراء تبرأها من فيلمها الأخير «مش أنا » للفنان تامر حسني .

هجوم حلا شيحة على والدها

وكتبت حلا عبر حسابها الشخصي بموقع تبادل الصور والفيديوهات «انستجرام»، «الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من احترام و رجولة و شهامة نادرة الايام دي، وـنا لم يخطفني ـحد كما قال والدي و الكلام ده لا يصح ابداً».

وأضافت، «أنا بحب زوجي و سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني . و طبعا بيساندني ويشجعني لاني زوجته و حبيبته

و هو اكبر بكتير من كل الكلام اللي بيتقال عليه و افتراءات مش صحيحة و هو ابعد ما يكون عنها»

وتابعت، «لن اسمح لاحد الكلام عنه و لن اسمح بأي تصور خاطئ عنه بأي شكل من الاشكال معز طول عمره له رؤيته الواضحة في الدين و حتي في الفن و هو ليس مع اي جماعة او فئة معينة هو يمثل نفسه و له افكاره وارائه العلمية و الدينية المختلفة الجميلة و ليس لاحد ان يصنفه او يضعه في اي قالب فقط لأن هواه لا يوافق ما يمثله معز، هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض ».

واستطردت، «هو خلاص اي حد يتكلم بلغة الدين لازم يبقي متطرف او اخواني هو مبقاش في مسلمين وسطيين طبيعين هو ليه كل انواع الهجوم ده علي اي حد، انا زعلانة من والدي جداً لانه يعرف معز كويس جدا و قعدوا مع بعض كتير ووالدي يحبه جدا و شاف منه كل خير .. معز زيي اتجوز ١٤ سنة من عمره و كان مستقر في حياته و عنده ثلاث اولاد ربنا يخليهمله جمال ماشاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد».

وتابعت حديثها، «الحمد لله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمد لله و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض و نخوض في أعراض بعض هو حصل في مجتمعنا ده احنا جرالنا ايه ، في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع ، انا الحمد لله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون أزواج ،و كل كلمة اكتبها و قلتها نابعة مني و انا متدينة بطبعي زي اي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي ان معز مش هو سببه، مش محتاجة حد يخطفني او يكتب عني او يوجهني.. هذا كلام لا يليق . . دعوا الخلق للخالق و كل واحد يخليه في حاله .

وياريت نسمع من بعض بدل ما نسمع عن بعض ».

حلا شيحة عن تصريحات والدها : «مصدومة من الكلام»

الشركة المنتجة لفيلم «مش أنا» تقاضي حلا شيحة