حورية فرغلي ترفض مهر 2 مليون دولار وتعرضت للضرب بسبب غيرة هيثم أحمد زكي.. تفاصيل

كشفت الفنانة حورية فرغلي سبب رفضها عرض زواج من أحد الأثرياء اللبنانيين، ومهر بـ 2 مليون دولار.

قالت حورية فرغلي في تصريحات تلفزيونية لها: «ده واحد لبناني مليونير، عرض 2 مليون دولار علشان يتجوزني ورفضته علشان هو راجل أحلى مني، مش عارفة هو راجل ولا بنت، ومش فاهمة من صوره هل بيحب الرجالة والستات ولا إيه».

زواج حورية فرغلي

وتحدثت عن عرض زواج آخر تلقته، قائلة: «واحد صعيدي من جرجا كلمني كتير على واتس آب، ومستعد يتجوزني حالاً، رديت عليه وقلت له أنا مشغولة ممكن تكلمني مرة ثانية».

وكشفت الفنانة حورية فرغلي أيضًا تفاصيل علاقتها بالفنان الراحل هيثم أحمد زكي، قائلة: «كنت بحبه لكن مش حب الست للراجل، هو كان إنسان وحيد وطيب وغلبان.. مش هتكلم عن حد متوفّي، لا اتخطبنا ولا اتجوزنا، مش عايزة أتكلم عن هيثم سيبوه مرتاح في قبره، أنا أعرفه منذ عام 2011، أما خطيبته فقد ظهرت من جديد».

حورية فرغلي

خلاف حورية فرغلي وهيثم أحمد زكي

وأوضحت أنها كانت على قطيعة مع هيثم أحمد زكي بعد تعديه عليها بالضرب، بسبب غيرته عليها في مسلسل «دوران شبرا» عام 2011، مضيفة: «مد إيديه وشد شعري في لوكيشن تصوير مسلسل دوران شبرا، عشان كنت بكلم الفنان هاني عادل بعزيه في وفاة والدته، هيثم افتكر إني بتدلع معاه وكان بيحبني لحد آخر يوم في حياته».

وتحدت حورية فرغلي عن أسباب خلافها مع مصطفى شعبان، معلقة: «كنا بنعمل مسلسل أمراض نسا مع بعض وكنا متفقين ولما سافرت ورجعت غيّروا الاسم لـ دكتور أمراض نسا، ومعنى كده إن الدكتور يُنسب إليه العمل وغضبت لأنني التقيت به من قبل في الحج واتفقنا على أن يكون الاسم هو أمراض نسا، وبعد ذلك وقعت وسافرت وجيت لقيت المسلسل اتغيّر اسمه بعد ما عجبتني شخصيتي في المسلسل».

واستكملت: «مكنش ينفع كده، اسم مصطفى شعبان بيبيع وأنا ببيع وعملت بوسترات على حسابي للمسلسل، لأن المفروض صورتي كانت تبقى معاه على الأفيش، لكن لما رجعت من بره مصر لقيت الأفيشات كلها في مصر عليها صورته، فعملت لنفسي أفيش».

حورية فرغلي وهيثم أحمد زكي

أسرار حورية فرغلي

وفيما يخص قصة شرائها سيارة لأحد المخرجين، وغضب زوجته، قالت الفنانة حورية فرغلي: «أثناء تصوير مسلسل ساحرة الجنوب كان فيه حد من فريق العمل بيحتفل بعيد ميلاده، كنت فرحانة إني بشتغل معاه وبحترمه كمخرج اشتريت له عربية لانغلر، لأن سيارته كانت بايظة خالص ومراته مرضيتش إنها تاخد العربية وهو مرضاش ياخدها».

حورية فرغلي

حورية فرغلي