خالد الفايد يعتزل للمرة الثانية .. ماذا حدث؟

أعلن الفنان الشاب خالد الفايد عودته للاعتزال بعد أن تراجع عنه الشهر الماضي، وكتب عبر حسابه بموقع فيس بوك: «أولا وبدون مقدمات أنا هعتزل السوشيال ميديا».

اعتزال خالد الفايد

وتابع خالد الفايد في منشور عبر حسابه الرسمي بموقع فيس بوك: «فترة مؤقتة لحد ما أكون مؤهل إن أنا أتعامل مع الناس بطبيعتي مرة تانية ولكل حد أنا شتمته أو نزلت بوست عليه وتعديت حدودي كشاب لسه بيبدأ وبيقول بسم الله في المجال

من هنا ورايح كلامي من غير شتايم ولا تقليل من أي شخص».

واستكمل: «هلتزم في الچيم وأتمرن كويس.. هبدأ اتعلم من أخطائي اللي فاتت وهحاول مكررهاش.. دا آخر بوست ليا الفترة دي ومش هبدأ أنزل بوستات إلا لما ألاقي نتيجه من كلامي دا وأحس إن بدأت أبقي شخصية إيجابية ومؤثرة بفني الكويس

وشكرًا لكل اللي دعموني ووقفوا جمبي بجد بحبكم».

اعتزال خالد الفايد

عودة خالد الفايد من الاعتزال

مازال الفنان الشاب خالد الفايد يثير ضجة واسعة وجدلًا كبيرًا، بعد تراجعه عن قرار الاعتزال، وعودته للغناء من جديد.

نشر خالد الفايد صورة تجمعه بالفنان تامر حسني عبر حسابه الرسمي بموقع فيس بوك، وعلق عليها قائلًا: «قالولي اللي تختاره تقعد على الكرسي بتاعه».

وتابع: «وقتها اخترت تامر ومكنتش متخيل رد فعله أبدًا، ومن وقتها حددت هدفي إني اشتغل على نفسي لحد ما أقعد الكرسي وأكون محكم بجد مش متسابق.. مكمل ولا عزاء للمتخلفين فكريًا».

وعلق على الانتقادات التي تعرض لها قائلًا: «المزيكا بتخليني مأذيش حد بكلامي، وبتخليني إنسان راقي فاهم كل حاجة  بيعملها، وبتخليني انسان حساس وبراعي ربنا في كل حاجة، وبتخليني رحيم بالحيوانات والطيور».

واستكمل: «بتخليني أحس بالحياه وجمالها بتخليني إنسان بكل معني الكلمه.. المزيكا مش حرام ربنا أجمل من إنه يحرم حاجه مفيده بالشكل دا.. والقرآن دا ربنا عمله للانسان يقراه مع نفسه مش يغصب الناس إنها تقراه».

واختتم خالد الفايد تعليقه: «اقراه وأنت مع نفسك قاعد لوحدك إنما المزيكا معموله لكل الناس يسمعوها براحتهم ونفسيتهم ترتاح ويتعالجوا بيها لكن القرآن كتاب دين بناخد منه تعاليم ديننا».

الفنان خالد الفايد

اعتزال خالد الفايد