خالد سليم يروي كواليس خلافه مع أصالة نصري

روى الفنان خالد سليم، كواليس خلافه مع الفنانة أصالة نصري والسبب وراء الخلاف الذي وقع بينهما بسبب مهرجان الاسكندرية .

خالد سليم وأصالة

وقال خالد سليم، في تصريحات تليفزيونية: في كلام وصلي أن أصالة استبعدتني من مهرجان الإسكندرية واتأكدلي من أكتر من جهة، وأنا في الحاجات دي مش بحب أواجه معرفش ده حصل ليه وأنا بحبها جدا.

وتابع: أنا كنت بدخلها البلاتوه ونقعد ونغني مع بعض ودا كان بعد ما حصل موضوع المهرجان، أنا مسألتهاش لأن وقتها كان طلاقها من أستاذ طارق العريان ومكنش ينفع أتكلم معاها.

خالد سليم سحور جومانا مراد

وأضاف سليم: معرفش هي صنفت الناس حواليها مين كان يعرف أو صديق فلان، اتقابلنا في سحور كانت عملاه الفنانة جومانا مراد وحصل منها تجاهل، كنت قاعد وهي خارجة من المكان وناس طلبوا مني أصورهم وصورتهم وتجاهلتني، والله أعلم يمكن وقتها كانت بتمر بحالة نفسية أو متضايقة.