خالد محمود: ندمت على مشهد القُبلة في شاويش نص الليل

أعرب الفنان خالد محمود عن ندمه بتقديم مشهد القُبلة في فيلم شاويش نص الليل، مشيرًا إلى أنه كان صغيرًا في السن ولا يملك امكانية كي يرفض.

خالد محمود يتحدث عن فيلم شاويش نص الليل

قال خالد محمود عن مشهد القبلة في فيلم شاويش نص الليل، في تصريحات تلفزيونية: 'أنا مكنش بإيدي ومكنتش صاحب قرار ده كان فيلم بطولة لواحد عنده 18 سنة ولما اتعرض الفيلم أنا مرضتش عن نفسي في الحته دي على الرغم من أن الفيلم وصل رسالة كبيرة جدا'.

خالد محمود

وتابع خالد محمود: 'أنا مع نفسي لما قعدت قلت مستحيل اعمل حاجه فيها قبلات، وفي فيلم طلب مني مخرج مشهد فيه قبلة قولتله إيه المبرر الدرامي فتفهم ولغى المشهد تماما ومن ساعتها لحد دلوقت كل حاجه بالنسبالي تمام'.

خالد محمود يكشف وجهة نظره في الفن

تحدث الفنان خالد محمود عن وجهه نظره في الفن مشيرًا إلى أن الفنان قدوة مهمة.

قال الفنان خالد محمود في تصريحات تلفزيونيةى: 'الدليل على إن الفنان قدوة مهمة هو أن الممثل الكويس بتلاقي الناس مبسوطة وفرحانه بيه وبتابعه، وبتعمل اللي بيعمله وردود أفعال الناس عليه أن دوره كان إيجابي وبيفيد المجتمع'.

وتابع: 'الممثل اللي بيضر بتلاقي الناس كلها مبتختلفش عليه إنه قدوة سيئة والفن لو مش رسالة مكنش في فيلم كلمة شرف للراحل فريد شوقي يغير قانون في الحياة الاجتماعية أو فيلم جعلوني مجرما الفيلمين دول غيروا قوانين في البلد'.

خالد محمود

وأضاف: 'أنا ضد اللي بيقول الفن مش رسالة والا مكنتش اتقال على الفن قوة ناعمة، وانا مش ضد مصطلح السينما النظيفة السينما لازم تكون نظيفة احنا بتشتغل عشان نعمل عملية متعة للناس وتتبسط من خلال التليفزيون أو السينما'.